Ii боб. Физикани қисқа муддатда такрорлаш ва қайта ўрганиш методикаси

Дидактика категориялари

Дидактик жараённинг тўла кўриниши унинг асосий категориялари – структура компоненталари орасидаги ўзаро боғланиши 1-расмда кўрсатилган.

Дидактиканинг асосий категориялари : ўқитиш, дарс бериш, ўргатиш, таълим, билим, маҳорат(билиш), кўникмалар ҳамда ўқитиш мақсади, мазмуни, ташкил қилиниши, турлари, шакллари, усуллари, ўқув қурол ва ашёлари, натижалари. Охирги йилларда дидактика категорияларини “дидактик система” ва “ўқитиш технологияси” деб аташ тавсия этилмоқда.
Ўқитиш

Ўқитиш – таълим, тарбия ва ривожланишни амалга оширишда педагогнинг ўқувчилар билан мақсадли йўналган ўзаро таъсири ва уларнинг биргаликдаги фаолиятидир. Мулоқат натижасида билим, маҳорат, кўникма, таълим ва ривожланиш амалга ошади.

Ўқитиш дарс бериш ва ўқиш, ўрганиш таълим олишга бўлинади.


Дарс бериш

Дарс бериш – бу педагогнинг тартиблаштирилган системалаштирилган фаолияти бўлиб, у ўқитиш мақсадини амалга оширишга, маълумотни (илмий ва илмий - услубий) таъминлашга мавзуни тушунтиришга ва билимини амалиётда қўллашга йўналган бўлади.

Ўрганиш –таълим олиш

Таълим олиш – ўқиш – бу билим , маҳорат ва кўникмага эга бўлишдаги ўқувчининг фаолият жараёнидир. Бу жараёнда аввалги эгаллаган билим ва кўникмалари қўлланилади, ўқувчининг фаолияти ва ҳулқида янгидан – янги ижобий шакллар вужудга келади.

Таълим

Таълим – маданиятли ва маънавиятли шхснинг вужудга келиш жараёни ва ўқитиш натижаси бўлиб, эгаллаган билим, малака, кўникма, фикрлаш усуллари, дунёқараш, аҳлоқ ва умумий маданият тизимидир.

Билим .

Билим – бу қўлланиладиган , қайта ўзгартириладиган маълумот бўлиб, бирор фанни назарий эгаллашни билдирувчи ахборот ғоялар тўпламидир.

Лернер билимни шартли равишда уч сатҳ (илмий босқич)га бўлади
[ ]:

1. 
   Эгллаш ва амалга ошириш.
   
2. 
   Амалиётда қўллаш.
   
3. 
   Ноанъанавий ҳолатлар учун татбиқ этиш.