Ii bob. ”Eshitdim, ko‘rdim, bajardim” tamoyili asosida soya va makkajo‘xorini birgalikda yetishtirish texnologiyasi

2.4.1-jadval
Tajriba-sinov ishlarining “Bajardim” bosqichidan keying ko‘rsatgichlari

Tajriba guruhlari.	Kirish testi (10 ta)	Eshitdim bosqichi nazorat testi (10 ta)	Ko‘rdim bosqichi Nazorat test (15 ta)	Bajardi bosqichi Nazorat testi (20 ta)
1-kurs 21/1	65 %	52 %	74 %	82 %
2-kurs 20/3	64 %	50 %	73 %	82%
3-kurs 19/3	66 %	60 %	78 %	89%
O‘rtacha qimati.	65 %	54 %	75 %	84 %

Tadqiqotdan ko‘zlangan maqsad ham talabalar eshitib, ko‘rib, bajargandan keyingi bilim ko‘rsatkichi yuqori bo‘lishida edi. Chunki ananaviy darslarimizda talabalar bilim olishadi amaliy va laboratoriya mashg’ulotlarida malaka va ko‘nikma rivojlantirilar edi, yangi “Eshitdim, ko‘rdim, bajardim” tamoyilida esa bilim, malaka, ko‘nikmaga qo‘shimcha tarzda bajardim bosqichida talabalarda kompetensiya rivojlanadi


II bob bo‘yicha xulosa.
1.Oliy ta’limda soya va makkajo‘xori o‘simligini birgalikda yetishtirishning afzalligi bo‘yicha olib borilgan an’anaviy darsda va “Eshitdim, ko‘rdim, bajardim” tamoyili asosidagi tadqiqot ishida talabalarda tajriba-sinov ishlari o‘tkazildi, natijalar taqqoslandi.
2. Soya va makkajo‘xorini birgalikda yetishtirish sharoitlari, biologik hususiyatlari o‘rganildi va talabalarga o‘rgatildi.
3.Talabalarga “Eshitdim, ko‘rdim, bajardim” va an’anaviy dars shaklida o‘tkazilgan har bir darsdan so‘ng sinov testlar asosida o‘zlashtirish ko‘rsatkichlari aniqlandi.

III.BOB TALABALARDA AN’ANAVIY TA’LIM METODI VA “ESHITDIM, KO‘RDIM, BAJARDIM” TAMOYILI ASOSIDA QISHLOQ XO‘JALIGI FANINI O‘QITISHDA OLIB BORILGAN ILMIY TADQIQOT ISHINING MATEMATIK STATISTIK NATIJALAR.
3.1. Soya va makkajo‘horini birgalikda yetishtirishning afzalliklarini tahlili va samaradorligi
Aralash qilinganda soya va makkajo‘xorining rivojlanishi.1-jadvalda soya va makkajo‘xori o‘simliklar aralash holda ekilganda rivojlanishi to‘g’risidagi ma’lumotlar berilgan. Ma’lumotlardan ko‘rinib turibdiki o‘simliklar may oyining 1 kunida to‘liq unib chiqadi. Soya o‘simligi sof holda hamda makkajo‘xori bilan aralash ekilganda ham ekishdan unib chiqgunigacha o‘tgan muddat bir xil bo‘lib 8 kunni tashkil etdi.
Soya o‘simligi rivojlanishidagi variantlar bo‘yicha farq keyingi fazalarda, yani dastlabki uchtalik barg hosil qilish davridan boshlanadi. Agar soya o‘simligi sof holda ekilganda o‘simliklarning bu fazaga to‘liq o‘tishi 12-14 mayda kuzatilgan bo‘lsa, makkajo‘xori bilan aralash holda va alohida-alohida ekilganda esa farq 1-5 kunni tashkil qiladi. Keyingi gullash va dukkakda don hosil bo‘lish fazalarida farq variant bo‘yicha 2-3 kunga yetadi.
Shuni alohida ta’kidlash kerakki, soya sof holda ekilganda dukkakda don hosil bo‘lish fazasiga o‘tishi uni makkajo‘xori bilan aralash ekilgandagiga nisbatan 3-4 kunga kechikadi.
Ma’lumki makkajo‘xori o‘simligi ko‘k massasi uchun sut pishish davrida o‘rib olinadi. Ko‘pgina adabiyotlarda aytilishicha, soya ko‘k massasi uchun dukkaklarda don hosil bo‘lishi davridan kechiktirmasdan yig’ib olish zarurligini ko‘rsatadi. Aks holda soyaning dukkaklari pisha boshlagach uning barglari to‘kila boshlaydi va bu ko‘k massa sifatini va hosilini kamayishiga olib keladi.