Iaasb general Template (Portrait)

Аҳамиятли рискларга жавобан кейинги моҳияти бўйича текшириш тартиб-таомиллари
Баҳолашнинг ноаниқлиги
15. Аҳамиятли рискларга олиб келадиган ҳисоблаб чиқилган баҳоларга нисбатан аудитор АХС 330⁷ талабларига мувофиқ бажариладиган бошқа моҳияти бўйича текшириш тартиб-таомилларига қўшимча равишда қуйидагиларни баҳолаши лозим: (А102 бандга қаранг)
(a) Тадбиркорлик субъекти раҳбарияти муқобил тахминлар ёки натижаларни кўриб чиқишни қандай амалга оширган ва нима учун уларни рад этган ёки тадбиркорлик субъекти раҳбарияти ҳисоблаб чиқилган баҳони аниқлашда баҳолашнинг ноаниқлигини қандай қилиб инобатга олган. (А103-А106 бандларига қаранг)
(б) Тадбиркорлик субъекти раҳбарияти томонидан қўлланган аҳамиятли тахминлар асослими. (А107-А109 бандларига қаранг)
(в) Тадбиркорлик субъекти раҳбариятининг зарур ҳолда ўзи қўллаётган аҳамиятли тахминларнинг асослилиги ёки молиявий ҳисоботларни тақдим этиш учун қўлланиладиган асосдан фойдаланишнинг ўринлилигига нисбатан муайян ҳаракатларни бажариш нияти ва бунга қодирлиги. (А110 бандга қаранг)
16. Агар аудитор фикрига кўра, тадбиркорлик субъекти раҳбарияти баҳолаш ноаниқлигининг ҳисоблаб чиқилган баҳоларга таъсирини лозим даражада ҳисобга олмаган ва бу аҳамиятли рискларга олиб келган бўлса, аудитор, агар у буни зарур деб топса, ҳисоблаб чиқилган баҳонинг асослилигини кўриб чиқиш учун асос бўладиган баҳолар диапазонини аниқлаши лозим. (А111-А112 бандларига қаранг)
Тан олиш ва баҳолаш мезонларни
17. Аҳамиятли рискларга олиб келадиган ҳисоблаб чиқилган баҳоларга нисбатан аудитор қуйидагилар молиявий ҳисоботларни тақдим этиш учун қўлланиладиган асос талабларига мувофиқлиги ёки мувофиқ эмаслиги ҳақида етарлича тегишли аудиторлик далилларини олиши лозим:
(a) Тадбиркорлик субъекти раҳбариятининг молиявий ҳисоботлардаги ҳисоблаб чиқилган баҳоларни тан олиш ёки тан олмаслик тўғрисидаги қарори; ва (А113-А114 бандларига қаранг)
(б) Ҳисоблаб чиқилган баҳоларни аниқлаш учун танланган асос. (А115 бандга қаранг) .