Iaasb general Template (Portrait)

Ҳисоблаб чиқилган баҳоларнинг асослилигини баҳолаш ва бузиб кўрсатиш фактларини аниқлаш

18. Аудитор аудиторлик далиллари асосида молиявий ҳисоботлардаги ҳисоблаб чиқилган баҳолар молиявий ҳисоботларни тақдим этиш учун қўлланиладиган асос нуқтаи назаридан асосли ёки улар бузиб кўрсатилганини аниқлаши лозим. (А116-А119 бандларига қаранг)

Ҳисоблаб чиқилган баҳолар бўйича очиб бериладиган маълумотлар

19. Аудитор молиявий ҳисоботларда ҳисоблаб чиқилган баҳолар бўйича очиб бериладиган маълумотлар молиявий ҳисоботларни тақдим этиш учун қўлланиладиган асос талабларига мос келиши ёки мос келмаслиги хусусида етарлича тегишли аудиторлик далилларини олиши лозим. (А120-А121 бандларига қаранг)
20. Аҳамиятли рискларга олиб келадиган ҳисоблаб чиқилган баҳоларга нисбатан аудитор бундай баҳоларнинг ноаниқлиги молиявий ҳисоботларда молиявий ҳисоботларни тақдим этиш учун қўлланиладиган асос нуқтаи назаридан адекват тарзда очиб берилганини ҳам баҳолаши лозим. (А122-А123 бандларига қаранг)

Тадбиркорлик субъекти раҳбариятининг нохолислигидан дарак бериши мумкин бўлган кўрсаткичлар

21. Аудитор тадбиркорлик субъекти раҳбарияти ҳисоблаб чиқилган баҳоларни аниқлашда қабул қилган қарорлар ва чиқарган мулоҳазаларни тадбиркорлик субъекти раҳбариятининг нохолислигидан дарак бериши мумкин бўлган аломатлар бор-йўқлиги нуқтаи назаридан кўриб чиқиши лозим. Тадбиркорлик субъекти раҳбариятининг нохолислигидан дарак бериши мумкин бўлган аломатлар ўз-ўзича айрим ҳисоблаб чиқилган баҳоларнинг асослилиги тўғрисида хулоса чиқариш мақсадларида бузиб кўрсатишлар бўлиб ҳисобланмайди. (А124-А125 бандларига қаранг)

Ёзма баёнотлар

22. Аудитор тадбиркорлик субъекти раҳбариятидан ва, зарур ҳолда, бошқарув юклатилган шахслардан ҳисоблаб чиқилган баҳоларни аниқлашда улар фойдаланган аҳамиятли тахминларни улар асосли деб ҳисоблашлари ёки ҳисобламасликлари тўғрисида ёзма баёнотлар олиши лозим. (А126-А127 бандларига қаранг)

Ҳужжатлар

23. Аудитор аудиторлик ҳужжатларига қуйидагиларни киритиши лозим:⁸
(a) Аҳамиятли рискларга олиб келадиган ҳисоблаб чиқилган баҳолар ва улар бўйича очиб берилган маълумотлар хусусида аудиторнинг хулосаси учун асос тавсифи; ва
(б) Тадбиркорлик субъекти раҳбариятининг нохолислигидан дарак бериши мумкин бўлган аломатлар тавсифи (агар улар мавжуд бўлса). (А128 бандга қаранг)
***