I qism. Fotometriya asoslari

Yorug‘likning tarqalishi. 
Yorug‘likning juda ko‘p marta qaytishi 
yoki sinishi natijasida u tarqoq bo‘lib qoladi.
Yorug‘lik 
– bevosita ko‘z bilan idrok qilinadigan nurlanish 
(ko‘rinadigan nurlanish). 
Yoritgich 
– bitta yoki bir nechta chiroqlardan nurlanayotgan 
yorug‘likni qayta taqsimlovchi, filtrlovchi va o‘zgartiruvchi, tarkibida 
uni va chiroqlarni o‘rnatish, mahkamlash uchun kerak bo‘ladigan 
hamma kerakli detallar, na faqat chiroqlar, balki elektr tarmog‘iga ulash 
uchun elektr zanjirlar va elementlari ham bo‘lgan asbob.. 
Yorug‘lik berish 
– nurlanayotgan yorug‘lik oqimining sarf 
qilingan elektr quvvatiga nisbati. Birligi:vataga lyumen (lm/Vt).
Yorug‘lik berish olingan elektr quvvati qanday tejamkorlik bilan 
yorug‘likka aylantirilayotganini ko‘rsatadi. 
Eslatma: bu termin yoritgichlarga emas, faqat yorug‘lik 
manbalariga (chiroqlarga) tegishli bo‘lib, yoritgichlar uchun esa «foydali 
ish koeffitsienti» termini qo‘llaniladi, ya’ni u yoritgich nurlantirayotgan 
yorug‘lik oqimining unda joylashgan yorug‘lik manbalari (chiroqlari) 
nurlantirayotgan umumiy yorug‘lik oqimiga nisbati bilan aniqlanadi. 
Yorug‘lik samaradorligi. 
Fizik kattalik. Yoritgich yorug‘dik 
oqimining sarf qilayotgan elektr quvvatiga nisbati. O‘lchov birligi: 
lm/Vt. 
Yorug‘lik oqimi. 
Fizik kattalik. Hamma yo‘nalishlar bo‘yicha 
yorug‘lik manbasi nurlantirayotgan to‘liq yorug‘lik miqdori. 
Belgilanishi – F. O‘lchov birligi – 
lyumen (lm).
Yopug‘lik kuchi. 
Fizik kattalik. Yorug‘lik manbasidan ma’lum 
yo‘nalish bo‘yicha nurlanayotgan yorug‘lik miqdori. Berilgan 
yo‘nalishni qamrab oladigan elementar fazoviy burchak (1 steradian) 
chegarasida yorug‘lik manbasi yoki yoritgichdan yo‘naltirilgan 
yorug‘lik oqimining shu fazoviy burchakka nisbati bilan aniqlanadi.