I psixolog olimlar tomonidan ijtimoiy psixologik moslashuvini o'rganish I

I bob bo`yicha xulosa.
Shaxsning asosini uning atrof olamga va o`z-o`ziga bo`lgan munosabatlar tizimi tashkil etadi. Munosabatlar tizimi inson ongida atrof voqelikning aks ettirilishi natijasida paydo bo`ladi, uning o`zi ham voqelikni aks ettirishning shakllaridan biridir.
Ijtimoiy moslashuv jarayonida muayyan shaxsiy munosabatlar shakllanadi. Bolada qanday shaxsiy sifatlar tarkib topishi ko`p jihatdan uning atrofdagilar bilan bo`lgan o`zaro munosabati xarakteriga bog`liqdir. Kichik maktab yoshidagi bolaning kattalarga bo`lgan munosabati ishonchli yoki ishonchsiz, yoqimli yoki yoqimsiz va xokazo bo`lishi mumkin.
Adaptatsiya tashqi ta’sirlar, namunalar asosida o`zini–o`zi tuzatish, qayta tarbiyalash, shaxsiy imkoniyatini ro`yobga chiqarish uchun puhta zamin hozirlaydi, komillik sari yetaklaydi.
Kichik maktab yoshida bolada ko`pgina o`zgarishlar ro`y beradi. Bu davr bolalarda o`quv faoliyatining shakllanishi, o`z-o`zini boshqarish, dunyoni bilish kabi munosabatlarning shakllanishi uchun senzitiv davr hisoblanadi. Kichik maktab yoshidagi bolalar shaxsining rivojlanishiga ularning atrofdagi odamlar, ota-onasi va ayniqsa o`qituvchi bilan bo`ladigan mnosabati katta ta’sir ko`rsatadi.
Olimlarning olib borgan ilmiy izlanishlari shuni ko’rsatadiki kichik maktab yoshidagi bolalar tashqi ta’sirlarga o’ta beriluvchan va o’zgaruvchan hisoblanadi.
Shu jihatlarni inobatga olgan holda ulardagi tarbiyadagi muammolarini aniqlash va ularni oldini olish ishlariga yanada chuqurroq yondashmoq lozim. Kichik maktab yoshidagi bolalar bugungi kunda katta hayot uchun tayyor holda kamol topishlari uchun ularga to’g’ri va tajribadan o’tkazilgan metodlar yordamida ta’lim-tarbiya bermog’imiz kerak.
7-8 yoshdagi bolalarga beriladigan, tarbiya, ularning murakkab harakatlarini o’zlashtirish, elementar gigiyena, madaniy va mehnat malakalarini shakllantirish, nutqini rivojlantirish hamda ijtimoiy axloq va estetik didining dastlabki kurtaklarini hosil qilish davridir.

II bob. 7-8 yoshli bolalarni ijtimoiy psixologik moslashuvini eksperimental o'rganish va bola shaxsini ijtimoiylashishida ota-onaning tasirini o'rganish