|
Umumiy xulosa. _________________________________________41
Tavsiyalar.__________________________________________________43
Foydalanilgan adabiyotlar. ____________________________________44
Kirish.
Mavzuning dolzarbligi. Tarbiya jarayonlarida kichik maktab yoshidagi o`quvchilarda vatanparvarlik, milliy g`oya va baynalminalchilik, voqelikka faol munosabatda bo`lish, o`rtoqlik, mehnat kishisiga chuqur hurmat hislarini shakllantirish muhim ahamiyatga ega bo`ladi. Buyuk ma’naviyatimizni tiklash va yanada yuksaltirish, milliy taraqqiyot g`oyasini o`zida mujassam etgan , ma;naviy jihatdan barkamol avlodni voyaga yetkazish uchun munosib hayot shart- sharoitlarini yaratish davlat siyosatining ustivor yo`nalishi deb qaraladi.
Mamlakatimizda yosh avlod ta’lim-tarbiyasiga alohida e’tibor qaratilmoqda . O`g`il-qizlarning zamonaviy bilim olishi, yuksak ma’naviyatli bo’lib ulg`ayishi uchun zarur sharoit yaratish borasidagi ishlar izchil davom etmoqda.
Muhtaram prezidentimiz Shavkar Mirziyoyev 2019-yil 15-iyun kuni Toshkentda bo`lib o`tgan “Ijtimoiy barqarorlikni ta’minlash, muqaddas dinimizning sofligini asrash –davr talabi” mavzuidagi anjumanda so`zlaganda nutqida yosh avlod tarbiyasi haqida alohida to`xtalib o`tdi.
“Bizni hamisha o`ylantirib keladigan yana muhim masala- bu yoshlarimizning odob-axloqi, yurish-turishi, bir so`z bilan aytganda, dunyoqarashi bilan bog`liq. Bugun zamon shiddat bilan o`zgaryapti. Bu o`zgarishlarni hammadan ham ko`proq his etadigan kim-yoshlar. Mayli, yoshlar o`z talablari bilan uyg`un bo`lsin.Lekin ayni paytda o`zligini ham unutmasin. Biz kimmiz, qanday ulug` zotlarning avlodimiz , degan da’vat ularning qalbida doimo aks-sado berib, o`zligiga sodiq qolishga undab tursin. Bunga nimaning hisobidan erishamiz? Tarbiya, tarbiya va faqat tarbiya hisobidan”, deya ta’kidladi prezidentimiz.
Bu vazifalar maktab, oila, mahalla, butun jamoatchilikka katta mas’uliyat yuklaydi. Mamlakatimizda ta’lim-tarbiya sohasining barcha bo`g`inlari –maktabgacha ta’lim, maktab, o`rta mahsus va oliy ta’lim tizimini takomillashtirish, yangi muassasalar bunyod etish va mavjudlarini qayta tamirlash bo`yicha olib borilayotgan ishlar yoshlar kamolotida o`z samarasini beradi.
O`zbekiston Respublikasining mustaqillikka erishuvi natijasida jamiyatimizda ijtimoiy-iqtisodiy taraqqiyotning yangi bosqichiga o`tdi. Jamiyatning yangilanishi ta’lim sohasida islohotlar qilinishini, o`zgartirishlar kiritilishini, yangicha ta’lim berish usullarini, yangicha yondashuvlarni taqozo etadi. Shu nuqtai nazardan sog`lom mustaqil fikrlovchi, aqliy takomillashgan yuksak ahloqli va istedodli shaxsni jahon andozalariga mos ravishda dunyoviy bilimlar bilan ham nazariy, ham amaliy qurollantirish bugungi kunning dolzarb masalalaridan hisoblanadi. O`zbekiston Respublikasi demokratik boshqaruv tamoyillariga asoslangan huquqiy davlat hamda fuqorolik jamiyatini barpo etish maqsadida iqtisodiy, ijtimoiy-siyosiy , madaniy va ilmiy sohalarda tub islohotlar olib borilayotgan bir sharoitda yoshlarning intelektual salohiyatini yuksak darajaga ko`tarish , bu borada o`quvchilarning kasbiy shakllanishida intelekt darajasini aniqlash va dinamikasiga ta’sir etuvchi omillarni o`rganish masalasi davlat siyosatining ustuvor yo`nalishlaridan biri sifatida qaralmoqda. Respublikamizda tub demokratik o`zgarishlar yuz berayotgan bir davrda insonparvar psixologiyaning qonuniyatlarini va ilmiy materiallarini o`rganish, ulardan o`z faoliyatimizda foydalanish vazifasi qo`yilmoqda. Ayniqsa uzluksiz ta’lim tizimi jarayonida ta’lim sub’ektlarining psixologik xususiyatlarini, o`zaro munosabatlarining psixik asosini tadqiq etish muhim masaladir.
O`zbekiston Respublikasi yoshlarning bilim olishlari va dunyoqarashlarini qat’iy maqsadli, izchil, tizimli, uzviy tashkil etish, ularni jamiyatning faol a’zosi sifatida faoliyat ko`rsatishlariga erishish, eng avvalo, mazkur masalaning dolzarb pedagogik-psixologik muammo sifatida keng ko`lamli va chuqur tadqiq etishni taqozo etadi.
Yoshlarni ijtimoiy voqelik hodisalariga to`g`ri baho bera olishlari , ijtimoiy o`zgarishlar xususida shaxsiy fikrga ega bo`lishlari ma’lum darajada ularning bilim, ko`nikma va malaka egallashlarini talab etadi.
Shaxsning barkamolligi ko`p jihatdan uning aqliy rivojlanishi va ma’naviy jihatdan shakllanganlik darajasiga bog`liq bo`ladi. Bugungi kunda inson muammosini aniq va gumanitar fanlarning umumiy tadqiqot ob’ektiga aylanib bormoqdaki, bevosita psixologiya fani bu borada nazariy va amaliy ta’limotlarning inson ruhiy kechinmalarini o`rganishda zamonaviy tadqiqot usullaridan foydalanib kelinmoqda.
Hozirgi kunda ijtimoiy amaliyotda shaxslararo munosabatlar muammosi muhim ahamiyat kasb etmoqda. Moslashuv va uning xususiyatlari samarali muloqotning psixologik aspektlari, adaptatsiyaga o`rgatishga oid psixologik mashqlar, samarali moslashuvning psixologik vositalarini o`rganish ta’lim faoliyatida asosiy o`rinni egallamoqda.
Yuqoridagi holatlardan kelib chiqib, ishning dolzarbligini quyidagilar bilan izohlashimiz mumkin: kichik maktab yoshidagi bolalar ijtimoiy voqelikning vakili sifatida kamol topar ekan, uning ijtimoiy tasavvurlari va idrokini shakllantirish hamda baholash ta’lim va tarbiya ishini tashkil etishda muhim omil sifatida hizmat qilishi mumkinligi hamda ularning shaxslararo munosabatga, hayotiy pozitsiyalarini belgilashdagi rolini aniqlash zarurati mavjuddir.
Do'stlaringiz bilan baham: |
