I кириш мавзу: Таълим тизимини бошқариш асослари фанининг мазмун – моҳияти ва аҳамияти

ТАКРОРЛАШ УЧУН САВОЛЛАР:
1. Бошқарувчи ва педагоглар жамоасининг ҳамкорлиги ҳакида назарий маълумот беринг.
2. Бошқарувчининг асосий вазифаларини номланг.
3. Бошқарувчи фазилатини асослаб беринг.
4. Бошқарувчи ва ҳодимлар ўртасидаги иш тақсимотини ажратиб беринг.
5. Педагогик кенгаш ва унинг вазифаларга шарҳ беринг.


VI. МАКТАБ ИШИНИ РЕЖАЛАШТИРИШ


11. Мавзу: Режалаштириш ва унинг такомиллаштириш йўллари


РЕЖА:
1. Халқ маорифи тизимини такомиллаштириш ва педагогик талаблар.
2. Режалантиришнинг асосий мақсадлари.
3. Мактаб ва Ўрта маҳсус таълим муассасаларр ишини режалаштиришнинг аҳамияти.
4. Мактаб ва Ўрта маҳсус таълим муассасалар иш режасининг турлари ва унинг ақидалари.

ТАЯНЧ СЎЗЛАР.

Ҳуқуқ, демократик, жамият, давлат, қонун, сиёсат, коллектив, таълим-тарбия, комитет, буюк, турлар, ақидалар.

АДАБИЁТЛАР:

1. Ўзбекистон республикасининг умумий Ўрта таълим мактаби тўғрисида муваққат Низом «Халқ таълими» Т.1992
2. Народное хозяйство Узбекской ССР «Ўзбекистон» Т. 1989
3. Ф. Г. Фролов. Ёш директор мактаби. «Ўқитувчи» Т. 1989
4. И. Мирзаев. Дарс таҳлили. «Ўқитувчи» Т.1983
5. М.Муродов. А.Эргашев.Миллий мактаб: муаммолар уммони. «Маърифат» газетаси 23 апрель 1991
6. М.Мирқосимов. «Мактабни бошқаришнинг назарий ва педагогик асослари» Ўқитувчи. Т. 1995


1. Халк таълими тизимини такомиллаштириш ва педагогик талаблар.
Республикада амалга оширилаётган ўзгартиришлар жамият тизимини иқтисодий, ижтимоий, сиёсий ва маънавий жиҳатидан жаҳоннинг энг ривожланган мамлакатлари қаторидан ўрин олишда ўзининг ижобий натижаларини кўрсатмоқда. Айниқса, таълим-тарбия тизимини ислоҳ қилишда, демократик давлатлари даражасига етказиш ва ёш кадрларни маънавий юксак, ахлиқи, юқори билимга эга қилиб тарбиялашда бир қатор ишлар амалга оширилмоқда.
Мустақил юртимизда ҳуқуқий-демократик жамиятини қуриш, мамлакатимизни ривожланган давлатлар даражасига кўтариш мақсадида Республикамиз Президентининг ташаббуси билан мамлакатимизда кенг камровли ислоҳотлар амалга оширилмоқда. Айниқса, «Таълим тўғрисида»ги қонун ҳамда «Кадрлар тайёрлаш миллий дастури»ни қабул қилиши, маорифчилар олдига улкан ва масъулиятли вазифаларни қўйди. Ёшлар ўз зиммаларидаги масъулитни англаб етишлари зарур.
Президентимиз ёшларнинг маънавий тарбиясига, уларнинг билим ва касб маҳоратини ошириш масалаларига алоҳида эътибор бермоқда. Чунки мустақиллигимизнинг уч таянчи мустақил сиёсат, иқтисодий кудрат ва халқ маънавияти, чамбарчас боғланиб уйғун ривожлансагина Ўзбекистон буюк давлат сифатида жаҳонда ўз ўрнини эгаллайди.
Шу нуқтаи назарда ҳар бир мактабларда бошқариш ходимлари ўқув-тарбиявий ва ташкилий ишларни ўзаро режалаштиришни эслатиш жоиздир. Бу жараёнда иқтидорли раҳбар ва ходимлар, маслаҳати асосида ишларини давом этириш аҳамиятидан холи эмас. Ёш авлодни ҳар томонлама камол топтиришда муассасаларда ишларини хозирги замон талаби асосида ташкил қилиш ниҳоят катта аҳамиятига эга. Муассасалардаги таълим-тарбия ишларини режа асосида олиб бориш ва шу асосда бошқарилиш муассасада ички ишнинг самарадорлигини янада оширлади. Режа билан ишлаш олдиндан кўра билиш билан чамбарчас боғлиқдир. Мактаб ва Ўрта маҳсус таълим муассасалар тузилган иш режа педагоглар иш фаолияти учун, уларни ишини тартибга солиш учун қонун сифатида хизмат қилади.
Таълим муассасалар иш режасини тўғри йўлга қўйиб тузилса, хатоликга йўл қўйишда асраш ва илгари йилларда йўл қўйган хато ва камчиликларни ислоҳ қилиши деб тушуниш мумкин.
Тўғри тузилган иш режа нафақат мактаб раҳбарини иш фаолиятини системасига киртилади, балки бутун Ўқитувчилар ва ходимлар ишини енгиллашади ва батафсил амалга қўйишида катта ёрдам бераолади.