I bob. Darslik va o’quv adabiyotlarida anorganik birikmalar eng muhim siniflarining yoritilishi 5

IV.6. Dars yakunida 5 ta BKM elementlari bo’yicha yakuniy ballar e’lon qilinadi va kundalikka qo’yiladi.
IV.7. Uyga vazifa. Darslikning 49 – 50 paragraflarni o’qib, topshiriqlarini bajarish.
Eng muhim kislotalarning ishlatilishi mavzusi bo’yicha interfaol dars.
Dars turi: yangi bilim, tushuncha hosil qiluvchi.
Darsning maqsadi:
Ta’limiy: o’quvchilarga eng muhim kislotalarning ishlatilishi haqida nazariy bilimlar berish.
Tarbiyaviy:o’quvchilarga darsni xalq xo’jaligi, qishloq xo’jaligi va turmush bilan bog’lab kimyo faniga bo’lgan qiziqishini orttirish.
Rivojlantiruvchi: o’quvchilarning amaliy va nazariy kimyoga oid bilimlarini rivojlantirish.
Darsda o’quvchilar egallashi lozim bo’lgan BKMlar: sulfat, xlorid, nitrat kislotalarning ishlatilish sohalari (bilim); kislotalarning xossalari, ishlab chiqarish va ishlatilishi sohalarini ayta olish (ko’nikma); sulfat, xlorid, nitrat kislotalarning xalq xojaligida va kundalik turmushda ishlatilish sohalari haqida rasmli illyustratsiyalar tayyorlay olish (malaka).
Dars usuli: interfaol, guruhlarda ishlash. “Zukkolar bahosi”, “Klaster”, “Taqdimot”, “Illyustratsiya”, “Xotira mashqi”.
Dars uchun kerakli reaktivlar: xlorid kislota, nitrat kislota, sulfat kislota.
Darsning jihozi: Kodoskop, ekran, slayd, tarqatmalar, kislotalarning ishlatilishi aks etgan ko’rgazmalar, texnik xavfsizligi plakati.
Darsning borishi:
I. Tashkiliy qism. (1,5 daqiqa)
Salomlashib, davomat aniqlanadi. Uyga vazifa so’raladi.
O’quvchilar: 7 – amaliy mashg’ulot. Mis (II) – oksid va temir (III) – oksid bilan sulfat kislota orasidagi reaksiyani o’tkazganliklarini aytadi. Uyga vazifa testlarni bajarib kelish va xulosa yozish edi.
O’qituvchi: Aziz o’quvchilar, har doimgidek darsimizni guruhlarga bo’linib, turli hil o’yinlar, boshqotirmalar, savol – javob, taqdimot, “Xotira mashqi” orqali olib boramiz. Har bir guruh o’ziga nom tanlab, sardor tayinlashadi.
1 – guruh: “Kimyogarlar”
2 – guruh: “Tadqiqotchilar”
3 – guruh: “Mo’jizakorlar”