I adabiyotlar sharhi

Manniy yormasi. Uning tarkibida 70 % kraxmal, ko‘p miqdorda oqsil, mineral elementlar, vitaminlar va klechaka esa kam midorda mavjuddir. Manniy yormasi operatsiyadan keyingi oshqozon-ichak kasalliklarida, miokard infarkti va boshqa oshqozonni ayavchi parxezlarda tavsiya etiladi. Maydalab Poltava va Artek yormalari olinadi.
Guruch. Kraxmalga (74 %) boy, oz miqdorda oqsil (7 %), kletchatka, vitamin va mineral elementlarni kam miqdorda tutuvchi mahsulot hisoblanadi. Guruch qaynatilganda mexanik va kimyoviy ayavchi xususiyatga ega bo‘lgan shilliq qaynatma hosil bo‘ladi. Qabziyatda guruchdan tayyorlangan ovqatlar tavsiya etilmaydi.
Tariq yormasi sekin xazm bo‘ladi v oshqozon-ichak kasalliklarida kamdan-kam hollarda tavsiya etiladi. Yangi tariq yormasi ateroskleroz, qandli diabet, jigar kasalliklarida tavsiya etiladi. Tariq yog‘i tezda oksidlanib, yormaga taxir ta’m beradi.
Perlovka (po‘stloqsiz arpa) va arpa (yanchilgan arpa) yormasi bo‘tqa, garnir shaklida ayash lozim bo‘lmagan oshqozon-ichak kasalliklarida tavsiya etiladi.
Suli yormasi- tarkibida 12 % oqsil, 6 % yog‘, 66 % uglevod mavjud bo‘lib, quvvatmandligi 1,5 kj (350 kkal) dir. Bu yorma vitamin va mineral elementlarga boy. Suli yormasi ovqat hazm qilish, yura-qon tomir kasalliklari, sil va boshqa kasalliklarda tavsiya etiladi.
Grechka yormasi – tarkibida 68-72 % uglevod, 10-13 % oqsil, 2 % yog‘ mavjud, quvvatmandligi 1,4 kj (330 kkal), kletchatka va B guruhi vitaminlariga boy. Grechka yormasi jigar kasalliklari, ateroskleroz, qandli diabet va boshqa kasalliklarda tavsiya etiladi.
Jo‘xori yormasi – tarkibida uglevodlar 75 %, oqsillar 8 %, kam miqdorda vitamin va mineral elementlar bor. Jo‘xori yormasi asosan enterokolit kasalligida tavsiya etiladi.
Sago – kartoshka va jo‘xori kraxmalini aralashtirib tayyorlanadigan yorma, uning tarkibida 83-86 % uglevod, osillar 0,7 %, kam miqdorda vitamin va mineral elementlar mavjud.