I adabiyotlar sharhi

Muzqaymoq eng ko‘p tarqalgan ovqat mahsulotidir. Muzqaymoq lazzatli mazasi bilan ajralib turadi. Assortimentining boyligi jihatidan u boshqa sut mahsulotlari orasida dastlabki o‘rinlardan birini egallaydi. Muzqaymoq tabiiy sut, qaymoq quyuqlashtirilgan yoki quruq sut, lavlagi qandi, ta’m va hid beruvchi turli moddalar (kakao, bodom, kishmish, vanilin, yong‘oq va boshqalar), stabilizatorlar (agar-agar, jelatin) va havoning muzlatilgan aralashmasi qo‘shilishidan iborat mahsulotdir. Bu aralashma maxsus apparatlar – frizerlar yoki muzqaymoq quvrlarida muzlatib ko‘pchitiladi. Aralashma hajmi ko‘pchitish vaqtida unga kirib qoladigan xavo hisobiga odatda 1,8-2 baravar ortadi (hajmi qancha ortsa, muzqaymoq sifati shuncha yaxshi bo‘ladi).
Muzlatishda muzqaymoq harorati noldan 14-15 ⁰C gacha pasaytiriladi. Muzqaymoq o‘zining kimyoviy tarkibiga ko‘ra uchta asosiy turga: sutli, qaymoqli va plombirga bo‘linadi. Sutli muzqaymoq tarkibida 3,5 %, qaymoqli muzqaymoq tarkibida 10% va plombir tarkibida 15 % gacha yog‘ bo‘ladi.
Muzqaymoq tez ayniydigan mahsulotlar qatoriga kiradi. Shuning uchun uni saqlashda va sotishda ma’lum haroratga rioya qilish kerak. Qadoqlanmagan muzqaymoqning harorati 10°C dan oshmasligi, mayda qadoqlanganniki 12°C dan oshmasligi kerak, muzqaymoq uy sharoitida saqlashga ruxsat etilmaydi.
Un va un mahsulotlari. Yormalarning ozuqaviy qiymati qaysi dondan olinishiga va tayyorlanishiga, makaron mahsulotlariniki esa qaysi undan tayyorlanishiga bog‘liq. Donlarning po‘stloq qismidan ajratilgandan keyin uning tarkibida vitamin, mineral tuz, kletchatka kamayadi, uglevod va oqsillar hazm bo‘lishi esa tezlashadi. Yormalar va makaron mahsulotlarida uglevodlar miqdori (65-77 %, shu qatori 55-74 % kraxmal) ko‘p, 7-13 % oqsillar, 0,6-6 % yog‘lar mavjud. 100 g yorma va makaron mahsulotining o‘rtacha quvvatmandligi 1,3-1,5 kDj (325-350 kkal.). bu mahsulotlar, ayniqsa suli, grechka, arpa yormalari va bug‘doy B guruhi, PP, magniy, fosfor, kaliylarning asosiy manbai hisoblanadi.