I adabiyotlar sharhi

Pishloq. Pishloq barchaga manzur bo‘ladigan a’lo darajadagi ovqat mahsulotidir. Pishloq oqsil va yog‘ga boy bo‘lib, tarkibida kalsiy, fosfatlar, A va B₂ vitamini ko‘plab uchraydi, ko‘p kaloriya beradi. Tayyorlanishiga ko‘ra pishloq suvli va sut kislotali bo‘ladi. Shirin suvli pishloq sutni nordon suvli ferment bilan yoki pepsin bilan ivitib, hosil bo‘lgan quyqani ishlash yo‘li bilan olinadi.
Nordon suvli pishloq olishda (shveysar, golland, Voljsk), ayniqsa uning yetilish davrida oqsillarda chuqur o‘zgarishlar bo‘lib, ularning organizmda singishiga va to‘qima sintezi uchun sarflanishiga yaxshi ta’sir etadi. Konsistensiyasiga qarab pishloq qattiq (golland, shveysar, stepnoy, Kostroma, Latviya, uglich, cheddar), yumshoq (dorojniy, dorogobuj, oxotnichniy, smolensk) va yarim qattiq (bakshteyn) bo‘ladi. Pishloq 20-28 % oqsil, 25-30 % yog‘ tutadi. Unda kalsiy va fosfor miqdori ko‘p bo‘lib, ular o‘zaro mutanosibdir. Pishloq tarkibida almashtirib bo‘lmaydigan aminokislotalarning mutanosibligi kuzatiladi. Go‘shtga nisbatan olganda pishloqda metionin miqdori 2 marta, triptofan 3-4 marta ko‘p. 100 g pishloqda kalsiy 1000 mg ni, fosfor 500 mg ni tashkil etadi. Agar odam 80-100 g pishloq iste’mol qilsa, kalsiyga bo‘lgan sutkalik ehtiyoj qoplanadi.