I adabiyotlar sharhi

Atsidofil pasta. Bu atsidofil sutni presslab zardobini olish yo‘li bilan tayyorlanadi. Antibiotik xossaga ega. Bundan ich ketishi, meteorizm, gastritlar, yarali kolitlarni davolashda foydalaniladi.
Smetana (quyuq qaymoq). Pasterlangan suyuq qaymoqqa sut kislotali bakteriyalar qo‘shish yo‘li bilan tayyorlanadi.[5]
Smetanalar 3 xil bo‘ladi:
Oliy nav: yog‘liligi – 36 %, kislotaligi – 65-90 °T
I nav: yog‘liligi – 30 %, kislotaliligi – 65-110 °T
II nav: yog‘iligi – 25 %, kislotaliligi – 65-125 °T
Suzma (tvorog). Pasterlangan sutga sut kislotali streptokokk qo‘shib achitib, ortiqcha zardobini ajratib olish yo‘li bilan tayyorlanadi. Suzmalar 20 % yog‘li, 9% yog‘li va yog‘siz bo‘ladi.
Kislotaligi:
20% yog‘li 200-225 °T,
9 % yog‘li 210-240 °T,
yog‘siziniki – 220-270 °T.
Suzma yuqori biologik qiymatga ega. Unda ko‘p miqdorda oqsil va kalsiy bor. Aminokislotalar mutanosibligi ham suzmaning biologik qiymatini oshiradi.
Qimiz. Qimiz sut kislotali ichimliklarga kirib, chorvachilik rivojlangan respublikalarda keng ishlatiladi. Qimiz aosan biya sutidan olinad. Qimizning 3 xili bor:
Kuchsiz: tarkibidagi alkogol miqdori 1%, kislotaliligi – 60-80 °T.
O‘rtacha: alkogol miqdori 1,75%, kislotaliligi – 81-105 ⁰ T.
O‘tkir: alkogol miqdori 2,5%, kislotaliligi – 106-120 °T.
Qimiz qadim zamonlardan beri o‘pka silini davolashda keng qo‘llanib kelinadi. U quvvat baxsh etuvchi, kuchaytiruvchi xossaga ega.