I adabiyotlar sharhi

Tabiiy meva sharbatlar. Tabiiy sharbatlar – yangi meva va sabzavotlardan suv yoki shakar qo‘shmasdan olinadigan mahsulotlardir. Ularning tarkibida bo‘yoqlar, ozuqa kislotalar va konservantlar ishlatilmasligi lozim. Sharbatlarni qadoqlashdan oldin sharbatlar pasterizatsiya, sterilizatsiya jarayonlaridan o‘tkaziladi. Barcha sharbatlarning sifati standart talablarga javob berishi lozim. Sharbatlarning tarkibida misning miqdori 5 mg/l, qalayniki 100 mg/l dan oshmasligi talab etiladi.
Kola ichimligi. Hozirgi kunda ko‘pchilik mamlakatlarda kola ichimliklari tarqalgan bo‘lib, ular o‘ziga xos ta’mi, chanqoq bosuvchanligi, ayrimlari esa tetiklantiruvchi ichimlik hisoblanadi. Ushbu mahsulot asosan AQSH va issiq iqlimli davlatlarda ko‘p tarqalgan.
Kola ichimlig tarkibiga turli xil komponentlar, shu qatori essensiyalar kiradi. Uning nomi 5 ta tetiklantiruvchi modda ushlovchi kola yong‘og‘idan olingan. Kola mevasi o‘zida alkaloidlar, kofein (1,2-2 %) va teobromin (0,01 % atrofida) tutadi. Kola yong‘oqlari ilgari uchuvchilar uchun uchish, sportchilar uchun esa musobaqalarga va mashg‘ulotlarga tayyorlanish oldidan iste’mol qilinadigan “Kola” shokladini tayyorlash uchun ishlatilgan. Pepsi-kola ichimligining asosini turli xil essensiyalar, ortofosfat kislota, kofein, kuydirilgan shakar, kola yong‘og‘i ekstarkti, shakar va suv tashkil etadi.