I adabiyotlar sharhi

Gomogenlashgan sut. Bu sutning ta’mi va konsistensiyasini yaxshilash uchun qilinadi. Buning uchun sut yuqori bosim ostida kichik teshikli suzgichdan o‘tkaziladi. Natijada sutning yog‘ parchalari maydalanadi va sutda bir xil tarqaladi.
Vitaminli sut. Buning uchun sutga askorbinat kislota qo‘shiladi va uning miqdori 10 mg % ga etkaziladi. Shimol sharoitida sutga vitamin D qo‘shiladi.
Ionitli sut. Buning uchun sut kationit almashtiruvchi smoladan o‘tkaziladi. Natijada ma’lum miqdorda kalsiy ushlanib qoladi va sutning xazm bo‘lishi osonlashadi. Bunday sut ona suti o‘rnida tavsiya etiladi.
Oqsilli sut. Sut tarkibidagi yog‘ kamaytirilib, sut oqsillari kamaytiriladi. Bu mahsulotni tayyorlash uchun xom ashyo tarkibidagi yog‘ va quruq moddalar ikki marta qayta ishlanadi.
Yog‘ni maromiga keltirish uchun dastlabki xom ashyoga yog‘sizlantirilgan sut qo‘shiladi. Quruq moddalar miqdorini maromiga keltirish uchun esa sutga quruq yoki qaymog‘i olinmagan quyuqlashtirilgan sut yoki yog‘sizlantirilgan sut qo‘shiladi.