Házirgi qaraqalpaq ádebiyatı hám ádebiy process 1-tema: Kirisiw, házirgi qaraqalpaq ádebiyatı pániniń maqseti hám wazıypaları

"Toǵız tońqıldaq, bir shińkildek
" komediyası usı attaǵı xalıq ertegi tiykarında jazılǵan.
"Egelengen báhár"
pesası úsh aktli, bes kartinalı muzıkalı drama. Pesa qaharmanları 
Arıslanbay, Zıyada, Saltanat, Artıqbay, Sabır. Arıslanbay bir topar mexanizatorlar menen tıń 
jerlerdi ózlestiriwge ketedi. Sonsha uzaqta júrse de Zıyada menen xat alısıp turadı. Bunı brigada 
aspazı Sabır iske asıradı. Zıyadanıń ákesi nawqaslı bolǵanlıqtan oǵan shıpaker jigit bekitilgen 
edi. Arıslanbay traktorshı bolǵanlıqtan Saltanat qızın oǵan múnásip kórmeydi. Unatpasa da 
Artıqbayǵa turmısqa shıǵıwǵa májbúrleydi. Buǵan qayılshılıq bermegen Zıyada úyinen shıǵınıp, 
óziniń anasın izlep ketedi. Xızmette júrgende aydap kiyatırǵan traktorı qulap, astında qalıp 
qoyǵan Arıslanbaydıń ómiri qáwip astında qaladı. Emlewxanada uzaq jatıp sawalıp shıqqan 
Arıslanbay shólistandaǵı brigadasına kelip, jerge shigit sewip, paxta egisin baslaydı. Zıyada 
Arıslanbaydı izlep keledi hám turaqlı túrde brigadada islep qaladı. Sońınan qızın izlep kelgen 
Saltanat Zıyada menen Arıslanbaydıń qosılıwına ákesinin ırza ekenligin aytadı. Olardı brigada 
aǵzaları qutlıqlaydı. 
"O dúnyaǵa mirát"
atlı eki bólimli, bes kartinalı prolog hám epilogtan ibarat 
tragikomediya "Aqıbet" romanınıń syujeti tiykarında jazılǵan. 
"Kelin"
komediyasında paxtashılıq kolxozlarında bolıp ótken waqıya qızıqlı 
súwretlengen. Darımbet degen paxtakesh ǵarrı hayalı Ulbiyke kempir menen oylasıp, instituttı 
pitkereyin dep turǵan balası Zarımbetti keliwden úylendiriw ushın Dáwjan degen adamnın er 
jetip otırǵan qızına quda túsip qaytadı, biraq balası bunnan xabarı bolmaydı. Bolajaq kelininiń 
qalıń malı da kópke túsedi, úyine kelip esaplap kórip, bunı tólewge xojalıǵınıń jaǵdayı 
kótermeytuǵınına anıq kózi jetken Darımbet ǵarrı hám kempiri abırjıwǵa túsedi. Zarımbet ózi 
menen birge institutı pitkerip shıqqan bir qız benen úyine keledi. Ǵarrı menen kempir buǵan 
quwanadı. Ádep olar kelininiń qılıqların ersi kóredi. Ulbiyke kempir ayırım ósekshilerdiń sózine 
erip kelinine urısadı. Zarımbet kolxozda agronom, Ayshaxan sport bólimin basqaradı. Bir kúnleri 
Ayshaxannıń ákesi Sabır Axmetovich úyine keledi. Darımbet ǵarrı óziniń qudası menen tanısıp 
quwanadı. Urısta mayor Sabır Axmetov komandirlik etken rotada kishi serjant Narımbet áskeriy 
xızmette boladı.