Házirgi qaraqalpaq ádebiyatı hám ádebiy process 1-tema: Kirisiw, házirgi qaraqalpaq ádebiyatı pániniń maqseti hám wazıypaları

"Qardaǵı iz"
poemasında Ullı Watandarlıq urıs jıllarındaǵı bir awılda júz bergen qayǵılı 
waqıya súwretlenedi. Jumısqa jaramlı adamlardıń kóshiligi frontqa ketip qalǵan, kolxoz 
jumısınıń awırmanlıǵı kempir-ǵarrılardıń, hayal-qızlardıń, mektep oqıwshılarınıń moynına 
túsedi. Awıl adamlarının sirkesi suw kótermeydi. Awıl adamları awır qıyınshılıqlarǵa shıdap, hár 
kim ózine tapsırılǵan jumısları menen bánt, mektepte de oqıw júrgizilip atır. Urıs waqtındaǵı 
mektep turmısı keń súwretlenedi. Waqıya Sársenniń tilinen bayanlanadı. Sársen sharwanın 
balası, ákesi frontqa ketip, kolxozdıń bir pada malı oǵan qaladı. Oǵan awıldaǵı qońsılas dostısı 
Mináj járdemlesedi. 
"Shól dástanı" poemasın áyyemgi Ellikqala dalasın baǵı-bostanǵa aylandırǵan insanlarǵa 
baǵıshlaǵan. 
Poemada Adam menen tábiyat arasındaǵı baylanıs jırlanadı. Shayırdıń sheberligi sonda, 
sonsha waqıtlardan beri meńirew bolıp atırǵna shólistanlıqqa ziban endiredi: 
Men-Shólmen. Tańlayım tamshıǵa inkar, 
Giyaǵa oranıp jatqım keledi. 
Ana-jer namısı bawırımdı untar, 
Kán dáryası bolıp aqqım keledi. 
Men-Shólmen, Neshshe ásir dawıllar jolın, 
Uyıtqıp kómip, táńdir menen tirestim, 
Bir esitsem dedim, tıńlasam dedim, 
Sıńǵırlasıp aqqan suwlardıń sestin. 
Poema áskeriy xızmettegi soldat Batırdıń óz súyiklisi Raximaǵa jollaǵan xatı menen 
baslanıp, oǵan jazǵan Raximanıń juwabı menen tamamlanadı. Bir jámáát xojalıǵında kóp 
jıllardan berli paxtashılıq brigadasın basqaratuǵın Nurman da qasına bes jigit alıp jer 
ózlestiriwshiler qatarında Ellikqalaǵa keledi. 
Nurman jaslayınan turmıs qıyınshılıqların bastan keshirgen. Ullı Watandarlıq urısqa 
qatnasıp, tórt jıl boyı jawıp turgan oq astında júrip, hár tárepleme shınıqqan jigit. Shólde 
gezlesken qıyınshılıqlarǵa shıdam bere almay onın joldaslarınan bir qaytıp ketedi. Basqaları 
diydilegen máqsetine jetip, jańa rayon hám onın orayı bolǵan bostan qalasın tikleydi.