Huquqiy madaniyat va huquqiy tarbiya asoslari

O‘ZBEKISTON RESPUBLIKASI
OLIY VA O‘RTA MAXSUS TA'LIM VAZIRLIGI


ANDIJON DAVLAT UNIVERSITETI


Milliy g‘oya, ma'naviyat asoslari va huquq ta'limi kaferdrasi
“HUQUQIY MADANIYAT VA HUQUQIY TARBIYA ASOSLARI”

fanidan
O‘ Q U V – U S L U B I Y

M A J M U A

bo’yicha
G L O S S A R I Y

A N D I J O N
Ijtimoiy normalar – bu kishilar hamda ularning jamoalari o‘rtasidagi munosabatlarni tartibga soluvchi umumiy xulq-atvor qoidalaridir.
Huquq tushunchasi (yuridik ma'noda)- bu davlat tomonidan o‘rnatiladigan yoki ma'qullanadigan, o‘zida erkinlik, tenglik va adolat tamoyillarini ifodalaydigan, ijtimoiy munosabatlarni tartibga solishga qaratilgan, bajarilishi umummajburiy bo‘lgan yurish - turish qoidalari yig‘indisi.
Huquqning mohiyati deganda uning mazmuni va maqsadi tushuniladi. Huquqning mazmuni va mohiyati uning asosiy va barqaror xususiyatlarini namoyon etadi.
Huquqning funksiyalari – bu jamiyatda ijtimoiy munosabatlarga va kishilarning yurish-turishlariga huquqiy ta'sir qilishning asosiy yo‘nalishlaridir.
Huquqiy ong - bu ijtimoiy ongning shakllaridan biri bo‘lib, kishilarda huquqqa, qonunchilikka, huquq-tartibotga va boshqa huquqiy hodisalarga nisbatan bo‘lgan g‘oyalar, his tuyg‘ular, tasavvurlar yig‘indisidir.
Huquqiy ruhiyat (psixologiya) - bu alohida ijtimoiy guruh, shaxs yoki butun jamiyatda stixiyali ravishda vujudga keladigan huquqiy tuyg‘ular, hissiyotlar, kayfiyatlar, fikrlar yig‘indisidan iborat bo‘lgan huquqiy ongning tarkibiy elementi.
Huquqiy mafkura (ideologiya) - bu muayyan ijtimoiy guruhlarning, jamiyatning huquqiy qarashlari, g‘oyalari, tasavvurlari va talablarining ilmiy tizimlashtirilgan ifodasidir.
Huquqiy madaniyat - bu kishilarning huquqiy bilim darajasi, huquqqa nisbatan ongli munosabati, huquqni hurmat qilishi va unga rioya qilishidir.