O‘zbekiston respublikasi oliy va o‘rta maxsus ta’lim vazirligi qarshi davlat universiteti

Tadqiqotda qo‘llanilgan metodologiyaning tavsifi. Dissertatsiya ishida statistik, qiyosiy, internet va arxiv materiallari, xorijiy tajribalarni o‘rganish, dala sharoitida tadqiqot olib borish, olingan natijalarni grafo-analitik usulda tadqiq qilish kabi tadqiqot usullari qo‘llanilgan.

Tadqiqot natijalarining nazariy va amaliy ahamiyati. Tadqiqot natijalarining nazariy ahamiyati Yakkabog‘ tumanida tarqalgan Delphinium L. turkumi vakillari senopopulyatsiyalarining keng qamrovli baholanganligi, turlar populyatsiyalarida ro‘y berayotgan o‘zgarishlarni ochib berilganligi bilan izohlanadi.

Tadqiqot natijalarining amaliy ahamiyati o‘simliklar senopopulyatsiyalarini baholash, dala tadqiqotlarini rejalashtirish va tashkillashtirish, olingan natijalarni tahlil qilish va ilmiy asoslangan xulosalar chiqarish bo‘yicha qo‘llanma sifatida xizmat qilishi bilan asoslanadi.