Kamal mámbetov, Kama

«Muhabbatnama» dástanš

(Úzindi)

Túndi jaqtı etiw pálektiń isi, Muxammed Xojabek dáwlettiń qusı, Biyikke jipekten shatır qurıldı, Qadaq kóterilip májilis qurıldı.

Saz ásbapqa ásten salıp názerin, Qosıqshı aytpaqshı boldı ®ázzelin. Sonda ornınan turıp Maxmud Xojabek, Ayttı: Shayır poemańdı basla, — dep.

Tilegim sol, tez jaz biraq qısınba, Tayar bol®ay usı jıldıń qısında, Dedim:qosıq jazıw shayır ushın taxt, Sizdey shaxqa arnaw men ushın baxıt.

* * *
Ullı táńriniń atın yad etip, Muhabbatnamanı men binyad ettim, Eki jaqtı gáwhar álemge bergen, Muhabbat sezimin adam®a bergen.
Qońırattıń háy aybatlı arıslanı,
Men hesh tán almadım sizden basqanı. Seniń quwanıshıń kewlimniń tawı, Muxammed Xojabek — ómir arqawı.
Xalıqtı toydır®an bektiń biriseń, Ataqlı shax Jánibektiń inisi.


* * *

Dúnya ay, kúnge eter qanaat, Adamzat múlkiniń tajı muhabbat. Elesleter misli aspanda quwdı, Tol®an ayday eter bir tamshı suwdı. Gózzaldıń júzine bir meń jarattı, Boyın shashı menen teń jarattı.

* * *

Shashınıń bir talına mıń húr jetpes, Júzińniń bir qalına mıń nur jetpes. Alla jazmısh etmish gózzaldıń biri, Ma®an kerek emes, hesh ózge peri. Sen joq jerde jigitlerdiń janı joq,

Sen joq jerde bul dúnyanıń sánı joq. Oymaq awzın ashsa sheshek shashılar, Bunı sezip gúl baqshalar ashılar.
Seniń jilwań ólikke jan endirer, Seniń kúlkiń hátte aydı sóndirer. Sen sóylegen waqta tilleriń sheker, Quw a®ash kógerer sóyleseń eger. Meni óltirdi sa®an bol®an muhabbat,
Dúnyanı tárk ettim, mende joq taqat. Misli bir shóldegi misli kiyikseń,
Seni oylasam kózlerime kúyikseń. Qashıń kaman, boyıń sáwri, beliń qıl, Opa qıl®an jigitlerge opa qıl.
Gáwhardıń qádirin bilmeydi nadan, Sol ushın hár qıylı boladı adam.
Pálektiń dápterinen túndi juw®an, Jáhan bunıń atın suw dep qoy®an, Jeti qat zernigar áywanı mine, Jarattı altı kúnde haq taala.

1. 
   Xorazmiydiń jasa®an dáwiri haqqında nelerdi bilesiz?
   
2. 
   Shayır «Muhabbatnama» dástanında:
   

Qońırattıń áy aybatlı arıslanı,
Men hesh tán almadım sizden basqanı. Seniń quwanıshıń kewlimniń tawı, Muxammed Xojabek — ómir arqawı.
Xalıqtı toydır®an bektiń birisi,
Ataqlı shax Jánibektiń inisi, — dep kimdi táriyiplegen?

3. 
   «Muhabbatnama» dástanı kimler tárepinen izertlengen?
   
4. 
   Xorezmiy «Muhabbatnama» da shın muhabbat haqqında qan- day pikirler bildirgen?
   

1. Shayır jasa®an dáwirde jaslardıń muhabbatı ne menen ólshen- gen, aytıp beriń.