Қишлоқ хўжалик экинларини зараркунандалари, касалликлари ва уларга қарши кураш чоралари

Шарқ мева қурти (мевахўри)
- шарқ мева қурти ички карантин 
объекти хисобланиб, олма, нок ва беҳи дарахтларининг меваларига 
худди олма қурти каби зарар етказади. Шарқ мева қурти данакли 
мевалардан шафтоли, олхўри, ўрикка ҳам жиддий зарар етказади. 
Шарқ мевахўри асосан новда ва мевани зарарлайди. (3.11-расм). Янги 
ўсган новда учидан кириб ўртасини ейди. 
Мева ичига кириб данак атрофини ейди ва етилиб мева ичидан чиқади 
ва ғумбакка айланади.
Кураш чоралари.
• боғларда тутқич белбоғлари ўрнатиш;
• пишмай тўкилаётган меваларни ҳар 1-3 кунда териб олиб, 
йўкотиш;
• мева қуртини йўқ қилиш учун унинг ҳар бир авлодига қарши бир мартадан кимёвий ишлов 
ўтказиш. 
Олхўри мевахўри 
- Ўзбекистонда дарахтларга катта зарар етказади ва 
икки авлод бериб ривожланади. Жанубий туманларда учинчи авлод 
ҳам ривожланиши мумкин. Меваҳўр қуртлари олхўри, олча мевалари, 
баъзан тоғолча, ўрик, шафтоли меваларига зарар етказиб, уларнинг 
тўкилиб кетишига сабаб бўлади. Маълумотларга кўра, биринчи авлод 
қуртлари 5-12 фоиз мевани, иккинчи авлод қуртлари эса 70-85 фоиз 
мевани зарарлайди (3.12 расм). Олхўри ва олма қуртларининг ҳаёт 
кечириши кўп жихатдан бир-бириникига ўхшайди, аммо олхўри 
қурти данакли меваларга кўпроқ зарар етказади. Биринчи авлоднинг 
капалаги апрел-май ойларида меваларга тухум қўяди. Олхўрининг 
зарарланган жойидан аксарият холларда елим чиқиб туради. Кўпинча 
бундай мева чириб, тўкилиб кетади. Қуртлар мевалар этини кемириб, 
унинг ичига қараб йўл очади. 
Кураш чоралари.
• эрта баҳорда дарахтларнинг атрофини чопиш;
• дарахтларнинг танасини кўчган пўстлоқлардан тозалаб, ёқиш;
• май ойида елими оқиб турган меваларни териб олиб йўқотиш;
• дарахтлар танасига похол, қоп бойлаб қўйиш;
• кимёвий ишлов бериш. 
Ғилофли куя
- ғилофли куя қуртлари олма, ўрик, бодом, нок, гилос, олча, тоғолча ва бошқа дарахтларнинг 
барг куртаклари ҳамда мева куртакларини ўйиб ейди. Қаттиқ шикастланган куртаклар қуриб қолади,