Қишлоқ хўжалик экинларини зараркунандалари, касалликлари ва уларга қарши кураш чоралари

Ғовакловчи пашша.
Ғовакловчи пашша 1999 йилда республикамизда 
биринчи марта рўйхатга олинган.
Бу тур ғовакловчи пашша учун помидор, бодринг энг хушхўр 
ўсимлик ҳисобланади. Бу зараркунанда ўсимлик барги мезофили 
билан озиқланиб фотосинтетик юзани камайтиради, баъзи 
ҳолларда барглар қуриб қолади (4.3-расм).
Кураш чоралари.
Агротехник кураш:
Алмашлаб экиш, қатор ораларига ишлов 
бериш.
Биологик кураш:
Сабзавотлардаги ғовакловчи пашшага қарши 
биологик кураш учун олтинкўзни 3-4 кунлик тухумини зараркунанда сонига қараб 1:10, 1:5 нисбатларда 
чиқариш.
Кимёвий усул: 
Агарда ғовакловчи пашшанинг миқдори кўп бўлганда қуйдаги препаратлардан бирини 
қўллаш тавсия этилади: 
Суми-алъфа 20% эм.к. препаратидан – 0,6 л/га, Конфидор, 20% эм.к. – 
0,25 л/га, Вертимек, 1,8% эм.к. – 0,6 л/га, Карбофос, 50% эм.к. – 0,6 л/га қўллаш тавсия этилади 
Занг канаси
- занг канаси итузумдошлар оиласига кирувчи 
ўсимликларга (помидор, картошка, бақлажон ва бошқа ) жиддий 
зарар келтиради. 
Уни оддий кўз билан кўриб бўлмайди. Шунинг учун занг канани кўп 
ҳолларда келтирган зарарини касалликлар билан алмаштиришади. 
Занг кана билан зарарланган помидор меваси истеъмолга яроқсиз 
бўлиб, ўсимлик ўсиш ва ривожланишдан тўхтайди (4.4 расм).
Кураш чоралари.
Агротехник кураш:
алмашлаб экиш, қатор ораларига ишлов бериш.
Биологик кураш: 
сабзавотлардаги занг канасига қарши биологик кураш учун олтинкўзни 3-4 кунлик 
тухумини зараркунанда сонига қараб 1:10, 1:5 нисбатларда чиқариш.
Кимёвий усул:
агарда занг канасининг миқдори кўп бўлганда қуйидаги препаратлардан бирини 
қўллаш тавсия этилади: омайт 57% к.эм.-1,5 л/га; ниссоран 10% н.кук. – 0,1 кг/га; флумайт 20% сус.к.- 
0,2 л/га; ортус 5% сус.к. – 0,75 л/га; вертимек 1,8% эм.к. – 0,3-0,4 л/га қўллаш 
Тунламлар. 
Сабзавот экинларига бир неча турдаги тунламлар жиддий зарар келтиради. Булар гамма 
тунлами, кўсак қурти, илдиз қурти, ёввойи тунлам, ундов тунлами ва бошқалардир.
Бу тунламлар сабзавот экинларида ривожланиб, кейинчалик ғўза майдонларига учиб ўтиб катта 
зарар келтиради. Карадрина ўта хавфли зараркунанда бўлиб даврий равишда ривожланиб, ўсимлик 
баргларини кемириб зарар етказади (4.5-расм).