E. H. Eshboyev, Y. M. Fayziyev teri va tanosil kasalliklari

Surunkali yarali va vegetatsiyalanuvchi piodermitlar bilan ko'proq erkaklar og'riydi. Har xil shikastlanishlar, sovuq urishi, biron kasallik tufayli organizm qarshilik quvvatining pasayib keti-shi, gipovitaminoz, ayrim sohalarda qon va limfa aylanishining buzilishi kasallik kelib chiqishida ma'lum rol o'ynaydi.

Klinikasi. Kasallikning klinik ko'rinishi juda xilma-xil bo'lib, asosan qo'zg'atuvchisining viralentligi (stafilokokk yoki stafilo-streptokokk)ga bog'liq.

Kasallik streptokokkli ektima, furunkul yoki o'ziga xos infil-

trat paydo bo'lishi bilan boshlanadi. Ular tezda yaralanib, ne-

krozlanadi va har xil (oval, yumaloq) shakldagi zararlangan

o'choqlar vujudga keladi. Yarali o'choqlarning qirralari infiltrat-

langan, egri-bugri bo'ladi, yaralar anchagina seroz yiring saqlaydi,

tubida esa notekis granulyatsiyalangan to'qima joylashadi. Asosiy

o'choqlar periferiyasi bo'ylab yangi pustulalar paydo bo'ladi, cla-

stlabki infiltratlar tagi bir-biri bilan tutashib ketadi. Po'st ostidagi

yaralar chetga qarab kengayib boradi va nihoyat po'st tushib,

keng sathli, ochiq yaralar vujudga keladi. Patologik jarayon avval

epidermis, so'ng dermaga o'tadi, keyinchalik gipodermaga yetib

boradi. Kasallik tufayli bemor ancha zaiflashib qoladi, uyqusizlik,

kamqonlik alomatlari paydo bo'ladi. Zararlangan o'choqlardagi

o'tmas og'riq bemorning tinkasini quritadi, kasallik hadeganda tu-

zalavermasdan anchaga cho'zilib ketadi.