8- so‘ngi bosqich. Ishlab chiqilgan ta’lim loyihasi amaliyotga tatbiq etiladi.
Dars o‘tilgandan so‘ng, keyingi dars loyihasini yaratishga kirishish oldidan, oldingi dars loyihasini tuzihda yo‘l qo‘yilgan kamchiliklar tahlil qilinib, uzluksiz korrektirovka (lotincha – tuzatish, to‘g‘rilash) kiritib borish o‘qituvchi uchun odatga aylanishi lozim.
Dars jarayonini loyihalashtirishda, darsning texnologik xaritasini tuzib olish katta ahamiyatga ega. Darsning texnologig xaritasi o‘zgarmas, qotib qolgan, shablon emas. O‘qituvchi uni tuzishga ijodiy va amaliy yondashishi kerak. Darsning texnologig xaritasini tuzishda o‘quv fani, uning har bir mavzusining o‘ziga xos xususiyatlari va talaba-o‘quvchilarning yoshi, o‘zlashtirish imkoniyatlari e’tiborga olingan holda tuziladi. Darsning texnokogig xaritasini, ramziy ma’noda zavodga tuproq shaklidagi chinni xom ashyoni topib kelishdan, tayyor piyolagacha bo‘ladigan barcha texnologik jarayonlar sitsinariysiga qiyoslash mumkin.
Texnologik xaritani tuzish oson ish emas, chunki, buning uchun o‘qituvchi o‘zining fani, uni o‘qitish metodikasi, pedagogika, psixologiya va axborot texnologiyalaridan xabardor bo‘lishi, shuningdek, juda ko‘p metodlar, usullarni bilishi kerak bo‘ladi. Har bir darsning rang-barang, qiziqarli bo‘lishi, oldindan puxta o‘ylab tuzilgan darsning loyihalashtrilgan texnologik xaritasiga bog‘liq.
Darsning texnologik xaritasini qanday shaklda tuzish, o‘qituvchining tajribasi, qo‘ygan maqsadi va ixtiyoriga bog‘liq,
Texnologik xarita qandqay tuzulgan bo‘lmasin, unda dars jarayoni tugal aks etgan bo‘lishi hamda aniq belgilangan maqsad, vazifa va kafolatlangan natija, dars jarayonini tashkil etishning texnologiyasi to‘liq o‘z ifodasini topgan bo‘lishi kerak.
Texnologik xaritaning mukammal tuzilishi, o‘qituvchiga o‘tiladigan dars jarayonini to‘liq va aniq tasavvurda ushlab turish imkonini berib, dars natijadorligini ta’minlashga, o‘zining ijobiy ta’sirini o‘tkazadi. O‘qituvchini darsning kengaytirilgan konspektini yozishdan xalos etadi, chunki bunday texnologik xaritada dars jarayonining barcha qirralari o‘z aksini topgan bo‘ladi.
Agar ta’lim berubchi darsining texnologik xaritasini kimlardandir ko‘chirib olmasdan, o‘zining individual psixologik xususiyatlarigan kelib chiqqan holda erkin yaratsa, darsning qaysi vaqtida qanday ta’lim maqsadini amalga oshirishi, ko‘z o‘ngida yaqqol namoyon bo‘lib turadi. Bu o‘qituvchi konpitentligining muhim omili hisoblanadi.
Fan o‘qituvchsi biror mavzuning texnologik xaritasini tuzar ekan, dastlab olimlar, tajribali o‘qituvchilar tomonidan yaratilgan namunalarni o‘rganishlari maqsadga muvofiq.
Darsning texnologik xaritasini talaba-o‘quvchilarning o‘quv materialini o‘zlashtirish imkoniyatlari, qiziqishlari, xohishlari, iroda va ehtiyojlarini e’tiborga olgan holda tuzilishi, ularning dars boshidan oxirigacha faol tarzda erkin fikrlashlariga imkon beradi, shaxs sifatida ta’limning markaziga olib chiqadi va o‘qitishning natijadorligini ta’minlaydi.
Bayon qilingan fikrlardan ko‘rinadiki, ta’lim jarayonini oldindan o‘ylab, aniq maqsadni ko‘zlab, dars jarayonida o‘quvchilarning to‘liq faol va erkin bo‘lishlarini e’tiborga olgan holda tuzulgan loyihalar vositasida amalga oshirish, o‘qitishning natijadorligini ta’minlashga o‘zining ijobiy ta’sirini o‘tkazadi.
“Mahorat” va “pedagogik mahorat” tushunchalarining mazmun mohiyati
Do'stlaringiz bilan baham: |