1. Mavzu: O‘qituvchi kasbiy faoliyatining mazmuni va xususiyatlariga qo‘yilayotgan zamonaviy talablar (2-soat). Reja

Kasbiy bilimdonlik pedagogik mahoratning tub asosini tashqil qiladi.

O‘qituvchilar ta’lim tarbiyaning metodologik asoslari, mamlakatning iqtisodi va siyosati, mutaxasislik fanlari, ularni o‘qitish metodikasi, pedagogika, psixologiya va yondash fanlar asoslari majmuidan tashkil topadigan professional bilimlarga ega bo‘lishlari talab etiladi. SHuning bilan birgalikda, O‘zbekistonning o‘z taraqqiyot yo‘li mohiyati, milliy tarbiya mohiyati va mazmunini teran anglashi, chuqur ilmiy nazariy salohiyati, pedagogik ijod, o‘z fanining tarbiyaviy imkoniyatlarini mukammal bilishi, pedagogik bilimlarni takomillashtirishga intilish, mamlakatimiz Prezidentining ichki va tashqi siyosatidan xabardorlik, o‘zbek xalqining an’analari, qadriyatlari, urf-odatlarini yaxshi anglashi, siyosat, tarix, madaniyat, ma’naviyat, adabiyot va san’at, axloqshunoslik, dinshunoslik, huquqshunoslik, o‘lkashunoslik, texnikaga oid ma’lumotlardan xabardorlik, etnopedagogika, etnopsixologiyaga oid bilimlarni chuqur egallagan bo‘lishlaeri lozim.

Kasbiy bilimlar negizida pedagogning hatti-harakati va xulqining asosini tashkil etuvchi, pedagogik prinsiplar va qoidalar vujudga keladi. Bu prinsip va qoidalarni har bir pedagog o‘z tajribasiga va egallagan bilimlariga tayangan holda yaratadi va ularni doimiy ravishda takomillashtirib boradi.