Hotam Umurov adabiyot qoidalari

Adabiyot o‘qitish uslubiyati (metodikasi) fani o’rta va oily maktabda adabiyot o‘qitishning asosiy vazifalarini va usullarini o‘rganadi. Ayni paytda, o‘qitiladigan adabiy materiallarni tanlashga, ularni sinf va kurslarda joylashtirishga va shular asosida o‘quvchi va talabalarni estetik tarbiyalashga alohida e’tibor qaratadi. Adabiyot va adabiyotshunoslikning tabiati, qonuniyatlariga tayangan holda badiiy asarni idrok etish va o‘zlashtirishga ko‘makka keladi, uni ilmiy asoslaydi, oson „hazm“ qilishning yo‘l-yo‘riqlarini ishlab chiqadi. Dars mashg‘ulotlari jarayonida adabiy hodisa va asarlarni tahlil etish, baholash ishi bilan shug‘ullanadi.

A. Z. Zunnunov, N. Hotamov, J. Esonov, A. Ibrohimovlarning (Adabiyot o‘qitish metodikasi, T., „ O‘qituvchi“, 1992- y.), Q. Yo’ldoshev, O. Madiyev, A. Abdurahmonovlarning (Adabiyot o‘qitish metodikasi, T., „ O‘qituvchi“, 1999-y.), B. To‘xliyevning (Adabiyot o‘qitish metodikasi, T., „Yangi asr avlodi“, 2006-y.) filologiya yo‘nalishi talabalari uchun chiqarilgan asarlarida adabiyot o‘qitishning dolzarb muammolari bugungi estetik talablar nuqtayi nazaridan yoritilgan.

Demak, adabiyot o‘qitish uslubiyati fani — o‘qituvchining adabiyot ilmidan mukammal bilimga ega bo’lishini va shu bilimni ilmiy, uslubiy jihatdan qiziqarli va zavqli qilib o‘quvchi va talabalarga singdirishni talab qiladi. Bu fan o‘qituvchisida ilmiy bilimdonlik va pedagogik mahorat jamuljam bo’lishi, ular birlashib barkamol insonlami yetishtirish ishiga xizmat qilishi lozim.