Himoyaga ruxsat etilsin ” Fakultet dekani f f. d. L. Raupova “ ” 2019 y

Dissertatsiya mavzusini o‘rganish darajasi. Magistrlik dissertatsiyasiga taqdim etilgan mavzu monografik planda yaxlit o‘rganilmagan bo‘lsada bu xususda ayrim kichik tadqiqotlar mavjud. Xususan, Mirzayeva Z, Normatov U, Qo‘shjonov M larning ayrim maqola va kichik tadqiqotlarida adabiy ta’limdagi interfaol usullarga to‘xtalgan o‘rinlari kuzatiladi. Adibning ijodini talqini, asarlaridagi badiiy o‘ziga xoslik, romanlaridatasvirlangan obrazlarning estetik tahlili, amalga oshirilayotgan ishlarni yosh avlodga yetkazish yuzasidan ko‘plab adabiyotshunoslar, tadqiqotchilar samaraliilmiy izlanishlar olib borganlar. Bular sirasiga Ozod Sharafiddinov, Umarali Normatov, Abdug‘afur Rasulov singari ijodkor va munaqqidlarning asarlarini alohida ko‘rsatish joiz.
Adabiyotshunos Abdug‘afur Rasulov “Ardoqli adib” risolasida adibning hayoti va ijodiga oid ma’lumotlarni, asarlariga xos umumiy belgilarni o‘rganib chiqadi. Professor Nuriddin Shukurov “Hayotiy badiiyat” maqolasida tarixiy voqelik bilan “Dunyoning ishlari”, “Ikki eshik orasi” sujetlarini qiyoslab tahlil etadi, yozuvchining badiiy mahoratiga baho beradi. Professor Saydulla Mirzayev “Hozirgi o‘zbek adabiyoti” darsligida 60-80-yillar romanchiligini tekshirar ekan, O‘tkir Hoshimov romanlariga ham to‘xtalib o‘tadi, romanlardagi mavzu, g‘oya, personajlar qiyofasi kabi masalalarga e’tibor qaratadi. Adabiyotshunos Umarali Normatov “Yangi o‘zbek adabiyoti” o‘quv qo‘llanmasida O‘tkir Hoshimov ijodigaalohida to‘xtaladi. Publitsistik maqolalaridan tortib, oxirgi badiiy asarlarigacha tahlil qiladi hamda adib ijodini kompleks o‘rganadi.
Mazkur ishlarda adib hayoti bilan bog‘liq ko‘plab lavhalar badiiy tarzda o‘quvchilar jamoatchiligiga yetkazilgan. Ilmiy tadqiqotlarda esa, asarlaridagiobrazlar badiiy va ijtimoiy xususiyatdan kelib chiqqan holda tadbiq qilingan. Obrazlarga yuklangan ma’no va mohiyat mohirona ochib berishga harakat qilingan.
Dissertatsiya mavzusiningjoriylanishi.Tadqiqot "Alisher Navoiy nomidagi Toshkent davlat O‘zbek tili va adabiyoti universitetiO‘zbek tili va adabiyotini o‘qitish metodikasi kafedrasining 2016-2020-yillarga mo‘ljallangan "Magistrlik mavzulari banklari" asosida amalga oshirildi.