Himoyaga ruxsat etildi

Liviya.
Voqealar boshlanishidan bir hafta ilgari Liviyada Facebook orqali ommaviy namoyishlar uyushtirildi. Internet orqali Qazzofiy yuzlab millionlarni o‘zlashtirib, xalqqa esa arzimagan chaqa berayotgani, bunga norozilik bildirganlar qurol yordamida keskin bostirilgani xususida yolg‘on xabarlar tarqatishdi.
Mutaxasislar tahliliga ko‘ra, g‘azablangan liviyaliklarni junbushga keltirish va ko‘chaga chiqarish maqsadida WikiLeaks orqali go‘yo Qazzofiyning farzandlari davlatning mablag‘larini havoga sovurayotgani, uning o‘g‘li esa o‘zining shaxsiy qurolli otryadlarini tuzayotgani haqida uydirmalar tarqatilgan. Bundan tashqari “Tvitter inqilobi”ning butun texnologiyasi fitna qo‘zg‘ash uchun ishga tushirilgan.

Suriya.
Suriya muxolifatchilarining internet faolligi ommaviy noroziliklar boshlanishidan bir yarim oy oldin kuchaygan edi. 2011 yil fevralining boshiga kelib Facebook ijtimoiy tarmog‘ining “Suriya inqilobi” sahifasida 13 mingdan ortiq kishi qayd qilingan hamda mamlakatda “rahbarlikning avtoritar uslibiga”, korrupsiya va qashshoqlikka qarshi norozilik izhor etish, shuningdek, mamlakatda 1963 yildan buyon amal qilib kelayotgan favqulodda holat to‘g‘risidagi qonunni bekor qilishni talab etish maqsadida 4 fevralda parlament binosi oldiga to‘planishga chaqiriq paydo bo‘ldi.
Ammo vaziyat Tunis va Misrdagidan shunisi bilan farq qiladiki, Suriya “tarmoq faollari”ning ko‘pchiligi mamlakatdan tashqarida yashardi va namoyish belgilangan kunda parlament oldiga to‘planganlar ozchilikni tashkil etib, politsiya ularni tezda tarqatib yubordi. Shu voqeadan bir necha kun o‘tgach, mamlakat uch yil mobaynida ilk bor Facebook va YouTubega kirishga ruxsat berildi. Ammo Suriya hukimati “ tarmoq omili”ni eʼtiborsiz qoldirmadi. Xususan, 2011 yil iyun oyi boshida AFP, “AlJazira” va Google mamlakat poytaxti Damashq hamda uning atroflarida, shuningdek, Latakiya, Xoms, Daraa, Jeble va Xasekeda intyernet o‘chirilganini xabar qildi.
Xulosa qilib aytadigan bo‘lsak, bugungi kunda ijtimoiy tarmoqlar o‘z asosiy vazifalaridan yiriklashgan holda, ommaviy kommunikatsiya, jamoatchilik bilan aloqalar, axborot yig‘ish, tarqatish va tahlil qilish kabi OAVning bir qancha funksiyalarini ham, mafkuraviy, ijtimoiy va siyosiy vazifalarni ham amalga oshirmoqda.