Химмотология

8.8.15. Пластик сурков мойларининг таркибидаги олтингугурт миқдорини аниқлаш

Мойлар таркибидаги олтингугурт миқдорини аниқлашда Давлат стандартларига мувофиқ (ГОСТ 1437-75) ПОСТ-2М асбобида олиб борилди. Текшириладиган мойни 0,0002 г аниқликда тортиб олиб, уни фарфорли махсус идишга солиб, бунда олинадиган олтингугурт миқдорига нисбатан олинди:

олтингугурт миқдори, % 0-2 2-5
олинадиган мой, г 0,2-0,1 0,1 - 0,05
Идишдаги мойга майдаланган ва олдиндан қуритилган шамот гилмоя сепиб, уни кварц трубкага солинди ва 900-950°С ҳароратда, 30-40 дақиқа печда куйдирилди ва печнинг қизиган қисмига (ўртасига) 15 дақиқа қиздирилди. Кейин кварц ҳалқани 25 мл дистилланган сув билан ювиб, уни приёмникка қўйилди ва 0,02н ўювчи натрий эритмаси билан 8 томчи аралаш индиқатор иштирокида сиёхрангли эритмадан оч-яшил рангга ўтгунига қадар титрланди. Олтингугурт миқдори (S) фоизда қуйидаги формула (17) орқали ҳисобланди:


(17)
бунда, 0,00032-олтингугурт миқдори, 1 мл. га тўғри келадиган 0,02 н ўювчи натрий эритмаси, г
Vo - назорат тажрибада титрлаш учун сарф бўлган, айнан 0,02 н ўювчи натрий эритмаси ҳажми, мл;
V1 - титрлашда сарф бўлган, айнан 0,02 н ўювчи натрий эритмаси хажми, мл;
m1 - мой миқдори, г.


9.8.16. Пластик сурков мойларидаги кокс миқдорини аниқлаш

Мойлардаги кокс сонини (ГОСТ 19932-74) Конрадсон усули ёрдамида аниқланди. Бунинг учун мойни фарфор тигелда икки соат муфел печида 800±50°С мобайнида куйдирилди ва 1-2 дакика ҳавода совутилиб, 0,0002г аниқликда тортиб олинди. Олинадиган мойнинг миқдори чамаланадиган кокс сонига боғлиқ ҳолда олинди:

Кокс даражаси, % 5 гача 5-15 15
Мой миқдори, % 10±0,01 5±0,005 3±0,005
Мойнинг кокслик даражасини (К), % қуйидаги формула (18) оркали ҳисобланди:
(18)
бунда, m - кокс қолдиғи массаси, г;
m1 - мой миқдори массаси, г.


8.8.17. Пластик сурков мойларининг молекуляр массасини аниқлаш

Мойларнинг молекуляр массасини криоскопик усул ёрдамида аниқланди. Мойларнинг молекуляр массаси - мой таркибига кирувчи ўртача молекуланинг нисбий оғирлиги ҳақида тушунча беради. Бу усулнинг асосий моҳияти текшириладиган мойни эритувчида эритилганда эритувчини қотиш депрессияси ҳарорати бўлиб, молекуляр концентрацияга мутаносибдир. Молекуляр массани қуйидаги формула (19) орқали ҳисобланди:

(19)
бунда, А - текшириладиган мой миқдори, г;
5,12 - криоскопик бензолни молекуляр депрессияси;
В - бензол оғирлиги;
Т - эритувчи депрессияси.
Бензол ва мой эритмаси депрессиясини дифренциал термометрлар турига кирувчи, ҳароратни ўзини эмас балки унинг ўзгаришини аниқлаш имконини берувчи Бекман термометрида аниқланди.