Harbiy-texnik instituti konstitutsiyaviy huquq

Madaniy meros obyektlari
- moddiy va nomoddiy madaniy meros 
obyektlaridir.
Moddiy madaniy meros obyektlari
- tarixiy, ilmiy, badiiy yoki 
o’zgacha madaniy qimmatga ega bo’lgan ansambllar, diqqatga sazovor 
joylar va yodgorliklardir.
Nomoddiy madaniy meros obyektlari - tarixiy, ilmiy, badiiy yoki 
o’zgacha madaniy qimmatga ega bo’lgan urf-odatlar, xalq ijodiyoti (so’z, 
raqs, musiqa, tomosha san’ati), shuningdek, ular hamda xalq badiiy 
hunarmandchiligi va amaliy san’ati bilan bog’liq bilimlar, ko’nikmalar, 
asbob-anjomlar, madaniy makonlardir. 
Madaniy meros obyektining mulkdori o’ziga qarashli tarix va 
madaniyat yodgorligiga xo’jasizlarcha munosabatda bo’lsa va uning 
yaxshi saqlanishini ta’minlamasa, yodgorlikni saqlash vazifasi bo’lgan 
davlat organi bu haqda ogohlantirish va sud orqali mazkur obyektni 
himoya qilishga haqlidir. 
Madaniy boyliklar - moddiy dunyoning milliy, tarixiy, badiiy, 
ilmiy-ma’rifiy, ma’naviy-axloqiy va boshqa madaniy ahamiyatga molik 

---

297 
ko’char ashyolardir.
Fuqarolar tarixiy, ma’naviy va madaniy merosni asrash majburiyatini 
bajarmagan yoki lozim darajada bajarmagan taqdirda O’zbekiston 
Respublikasi Ma’muriy javobgarlik to’g’risidagi kodeksda hamda jinoyat 
kodeksida nazarda tutilgan jazo choralari qo’llaniladi. Xususan, 
O’zbekiston Respublikasi Ma’muriy javobgarlik to’g’risidagi kodeksining 
«Tarix va madaniyat yodgorliklarini muhofaza qilish va ulardan 
foydalanish qoidalarini buzish» deb nomlangan 64-moddasiga binoan, 
mazkur qoidalarni buzish, shuningdek,jinoyat kodeksining 32-moddasiga 
ko’ra, davlat muhofazasiga olingan tarix yoki madaniyat yodgorliklarini 
qasddan nobud qilish, buzish yoki ularga shikast yetkazganlik uchun 
javobgarlik belgilangan. 
O’zbekiston Respublikasining 2010-yil 15-iyundagi «Arxiv ishi 
to’g’risida»gi qonuni arxiv hujjatlarini shakllantirish, saqlash, arxivlardan 
foydalanish ishlarini va arxiv muassasalarining faoliyati bilan bog’liq 
munosabatlarni tartibga soladi.
Mamlakatimizda bu boradagi ishlar davom ettirilib, buyuk 
ajdodlarimiz va kelajak avlod oldidagi burchlar sidqidildan bajarilishini 
ta’minlovchi normalar takomillashtirilib borilmoqda.