Harbiy-texnik instituti konstitutsiyaviy huquq

IIV va uning tegishli vakolatli idoralari vakolatlar: 
1) O‘zbekiston Respublikasida doimiy yashovchi shaxslardan 
O‘zbekiston Respublikasi fuqaroligi masalalariga oid arizalarni qabul 
qiladi. Doimiy yashash holati pasportda doimiy ro‘yxatdan o‘tganlik 
to‘g‘risidagi belgi borligi bilan tasdiqlanadi. Qayd etish tartibini 
O‘zbekiston Respublikasining IIV belgilaydi; 
2) O‘zbekiston Respublikasi fuqaroligi masalalariga doir arizani 
asoslash maqsadida keltirilgan dalil va hujjatlarni tekshiradi; 
3) fuqarolik masalalariga doir arizani zarur hujjatlar bilan birga 
O‘zbekiston Respublikasi Prezidenti huzuridagi Fuqarolik masalalari 
bo‘yicha Komissiyaga yo‘llaydi; 

---

166 
4) O‘zbekiston Respublikasida doimiy yashovchi shaxslarning 
O‘zbekiston Respublikasi fuqaroligiga mansubligini aniqlaydi; 
5) O‘zbekiston Respublikasi hududida doimiy yashovchi shaxslar 
O‘zbekiston Respublikasi fuqaroligini yo‘qotgan hollarni qayd etadi. 
TIV, diplomatik vakolatxona va konsullik muassasalari vakolatlari: 
1) chet ellarda doimiy yashab turgan shaxslardan O‘zbekiston 
Respublikasi fuqaroligi masalalariga oid arizalarni qabul qiladi; 
2) O‘zbekiston Respublikasi fuqaroligi masalalariga doir arizani 
asoslash maqsadida keltirilgan dalil va hujjatlarni tekshiradi; 
3) fuqarolik masalalariga doir arizalarni zarur hujjatlar bilan birga 
O‘zbekiston Respublikasi Prezidenti huzuridagi Fuqarolik masalalari 
bo‘yicha Komissiyaga yo‘llaydi; 
4) chet elda doimiy yashab turgan shaxslarning O‘zbekiston 
Respublikasi fuqaroligiga mansubligini aniqlaydi; 
5) chet elda doimiy yashab turgan shaxslarning O‘zbekiston 
Respublikasi fuqaroligini yo‘qotganligini qayd etadi; 
6) O‘zbekiston Respublikasining chet elda doimiy yashab turgan 
fuqarolarini hisobga oladi
37
. 
Fuqarolik to‘g‘risidagi Qonunni 41-moddasida fuqarolik 
masalalariga oid qarorlarni ijro etuvchi idoralar aniqlashtirilgan bo‘lib, 
unga ko‘ra O‘zbekiston Respublikasida doimiy yashovchi shaxslarga 
nisbatan fuqarolik masalalariga oid qarorlarning ijrosi IIV va uning 
tegishli idoralari, fuqarolik holatini qayd etish bo‘limlari, chet elda 
yashovchi shaxslarga nisbatan esa O‘zbekiston Respublikasining TIV 
zimmasiga, O‘zbekiston Respublikasining tegishli diplomatiya 
vakolatxonalari va konsullik muassasalari zimmasiga yuklatiladi. 
Bundan tashqari, pasportlar va istiqomat uchun guvohnomalar berish 
masalasi qonunda belgilangan tartibda O‘zbekiston Respublikasi 
fuqaroligini olgan shaxslarga O‘zbekiston Respublikasining ichki ishlar 
idoralari, yoki diplomatiya vakolatxonalari yoxud konsullik muassasalari 
tomonidan O‘zbekiston Respublikasining fuqarosi pasporti topshiriladi. 16 
yoshga etmagan bolalarning hujjatlariga ularning O‘zbekiston 
Respublikasi fuqaroligiga mansubligi yozib qo‘yiladi. 
O‘zbekiston Respublikasida yashab turgan lekin O‘zbekiston 
Respublikasining fuqaroligi to‘xtatilgan, boshqa davlat fuqarosi 
37
Ўзбекистон
Республикаси
Олий
Кенгаши
Ахборотномаси
.1992 
й
. 
№
9. 338-
модда
. 

---

167 
bo‘lmagan shaxslarga ichki ishlar idorasi tomonidan fuqaroligi bo‘lmagan 
shaxslarga mo‘ljallangan istiqomat guvohnomasi beriladi. 
O‘zbekiston Respublikasining fuqaroligi masalalariga oid qarorlar 
ijrosi O‘zbekiston Respublikasi Prezidenti huzuridagi Fuqarolik masalalari 
Komissiyasi tomonidan, shuningdek, boshqa vakolatli idoralar tomonidan 
o‘z huquqlari doirasida nazorat etiladi.