Harbiy-texnik instituti konstitutsiyaviy huquq

Қаранг
:
Кутыбаева
Е
.
Д
. 
Органы
исполнительной
власти
Республики
Каракалпакстан
: 
Дис
. ... 
д
-
ра
юрид
. 
наук
. 
Ташкент
, 1999. – 
С
. 238-248. 

---

529 
javobgarlik shakli va uni amalga oshirish tartib-taomillari. 6. Davlat 
boshlig’i hamda parlamentning Hukumat bilan o’zaro aloqalariga doir 
prinsiplar. 7. Davlat hokimiyatining asosiy tarmoqlari tizimida “tiyib 
turish” va “muvozanatda saqlash” prinsiplarining ishlash mexanizmi va 
uning hukumat maqbul (optimal) faoliyat yuritishi uchun yetarlilik 
darajasi. 8. Ijro etuvchi organlar tizimi va Hukumat funksiyalarini amalga 
oshirishda huquqni muhofaza qiluvchi va nazorat organlarining o’zaro 
munosabatlari. 9. Hukumat vazifalarining ijtimoiy institutlarga tayangan 
holda xalq irodasi va manfaatlarini ta’minlashga yo’naltirilganligi. 
10. Hukumat tomonidan qabul qilingan hujjatlar, ularning yuridik va
real kuchi, davlatning normativ-huquqiy hujjatlari tizimida ularning tutgan 
o’rni, ularni bekor qilish yoki to’xtatib qo’yish tartiblari. 
11. Ijro hokimiyati tizimining ma’muriy-hududlar bo’yicha vertikal 
tuzilishi hamda vakolatlarining taqsimlanishi. 12. Hukumatning faoliyat 
tartibi va tashkiliy shakllari. 13. Hukumatning yordamchi organlari. 
O’zbekiston Respublikasi Prezidenti tomonidan qabul qilingan 
“2017-2021-yillarda O’zbekiston Respublikasini rivojlantirishning beshta 
ustuvor yo’nalishi bo’yicha Harakatlar strategiyasi”ga muvofiq, 
taraqqiyotimizning zamonaviy bosqichida davlat boshqaruvining 
mutlaqo yangi, samarali va sifatli faoliyat yurituvchi tizimini yaratish 
hamda davlat boshqaruvi organlari va mahalliy ijro etuvchi hokimiyat 
organlarining uyg’un faoliyatini tashkil etishga qaratilgan keng ko’lamli 
islohotlarni amalga oshirishga kirishildi.
Jumladan, O’zbekiston Respublikasi Prezidentining 2017-yil 
8-sentabrdagi PF-5185-sonli Farmoni bilan “O’zbekiston Respublikasida 
Ma’muriy islohotlar Konsepsiyasi” tasdiqlandi. Unga muvofiq, 
birinchidan
, ijro etuvchi hokimiyat organlari faoliyatining institutsional
va tashkiliy-huquqiy asoslarini takomillashtirish; 
ikkinchidan
, ijro etuvchi 
hokimiyat organlarining vazifalari (funksiyalari, vakolatlari)ni, ularni 
amalga oshirish mexanizmlari va javobgarlik sohasini aniqlashtirish, 
muvofiqlashtirish va o’zaro hamkorlik jarayonlarini takomillashtirish; 
uchinchidan
, iqtisodiyot tarmoqlariga ma’muriy ta’sir ko’rsatishni yanada 
qisqartirish va boshqaruvning bozor mexanizmlarini kengaytirish; 
to’rtinchidan
, vertikal boshqaruv tizimi va ijro etuvchi hokimiyat organlari 

---

530 
hamkorligining mexanizmlarini takomillashtirish; 
beshinchidan
, davlat 
boshqaruvi tizimiga strategik rejalashtirishning zamonaviy shakllari, 
innovatsion g’oyalar, ishlanmalar va texnologiyalarni joriy etish; 
oltinchidan
, professional davlat xizmatining samarali tizimini 
shakllantirish, ijro etuvchi hokimiyat organlari tizimida korrupsiyaga 
qarshi kurashishning ta’sirchan mexanizmlarini joriy etish bo’yicha 
O’zbekiston Respublikasida Ma’muriy islohotlar kontsepsiyasini amalga 
oshirish bo’yicha “Yo’l xaritasi” ishlab chiqilib, tasdiqlandi. 
Shuningdek, “Elektron hukumat” tizimini yanada keng joriy etish, 
davlat xizmatlari ko’rsatish tizimini yanada takomillashtirish hamda 
ma’muriy adliya tizimini rivojlantirish, shuningdek, "aqlli tartibga 
solish” modellarini va qabul qilinayotgan qarorlarning tartibga solish 
ta’sirini tahlil qilishning standartlashtirilgan uslubiyotini joriy etish, ayrim 
davlat funksiyalarini jamoatchilik nazorati subyektlariga o’tkazish yo’li 
bilan tartibga solish vositalarini takomillashtirish, ishni tashkil etishning 
aniq natijalarga erishishga qaratilgan zamonaviy uslublarini (sifat 
menejmenti, indikativ rejalashtirish, autsorsing, kraudsorsing) joriy etish 
hamda rivojlanish dasturlarini ishlab chiqish va ularning amalga 
oshirilishini monitoring qilish jarayonida jamoatchilik bilan o’zaro 
hamkorlikning zamonaviy shakl va mexanizmlaridan keng foydalanish va 
boshqa ustuvor vazifalar belgilab berildi.