Har qanday fanni o’rganish ilmiy usuldan boshlanishi kerak

XALQARO O’LCHOV BIRLIGI SI. Xalqaro o’lchov birligi SI birligini kiritilishi bilan eritma konsentratsiyalarining ifodalash usullari ham o’zgartirildi. Bu birlik asosida massa birligi - kilogramm (kg), gramm (g), hajm birligi - litr (l), millilitr (ml), modda miqdorining birligi - mol (ν) qabul qilingan.
Ideal eritmalar deb, eritmani tashkil etgan tarkibiy qismlari orasida hech qanday o’zaro ta'sir sodir bo’lmaydigan hamda erigan modda molekulasi dissotsiatsiya yoki assotsiatsiyaga uchramaydigan eritmalarga aytiladi. Ideal eritmalarni fizik-kimyoviy xossalarni bir xil yoki birining xossasi ikkinchisiga juda yaqin bo’lgan moddalar tashkil etadi.
Ideal eritmalar xosil bo’lishida ichki energiyaning qiymati o’zgarishsiz qoladi va xosil bo’lgan eritmaning hajmi erituvchi va erigan moddalarning hajmlarini yig’indisiga teng bo’ladi. Ideal eritmalarga misol qilib toluolning benzoldagi va benzolni etilen xloriddagi eritmalarini keltirish mumkin. Ideal eritmalar Vant-Goff va Raul qonunlariga boy sinadilar.
Eruvchanlik deb berilgan moddalarni turli erituvchilarda erish qobiliyatiga aytiladi. Eruvchanlik doimiy harorat va bosimda toyingan eritmani xosil qilish uchun sarflangan moddaning miqdori bilan belgilanadi.
Qutbli erituvchilar bir-birlarida istagan miqdorda aralashadilar va qutbli xossaga ega bo’lgan boshqa moddalar (qattik va gazlar) uchun yaxshi erituvchi hisoblanadilar. Xuddi shunga o’xshash qutbsiz erituvchilar ham bir-birlarida istagan miqdorda aralashadilar va qutbsiz yoki kam qutbli boshqa moddalar (yog’lar, lak, turli buyoq moddalar) uchun yaxshi erituvchi hisoblanadilar. Shuning uchun erituvchi tanlashda uning qutbliligiga e'tibor berish kerak.
Turli moddalarning eruvchanligi bir xil erituvchida, masalan suvda har xil qiymatga ega bo’lishi mumkin. Yaxshi eriydigan moddalarga xona harorati (20⁰ C) da 100 gr. erituvchida 10 g. dan ortiq eriydigan moddalar kiradi.Agar 100 g. erituvchida moddaning eruvchanligi 0,01-1,00 g. oralig’ida bo’lsa, bunday moddalar qiyin eriydigan, agar eruvchanlik 100 g. erituvchida 0,01 g. dan kam bo’lsa, bunday moddalar amaliy erimaydigan modda deb atalishi qabul qilingan. Eruvchanlik bir necha tur omillarga bog’liq. Ular qatorida -modda tabiati, harorat, bosim, moddalar konsentratsiyasi va boshqalar.