Халқ таълими ходимлари асосий лавозимларининг малака тавсифлари

50-§. Республика таълим маркази 1-тоифали
методисти лавозимининг малака тавсифлари

Тартиб рақами	1718
Машғулотларнинг миллий стандарт классификатори бўйича коди	2341
Ходимлар тоифаси	Мутахассис

149. Лавозим вазифалари:

а) бириктирилган фани бўйича қайта нашр этиладиган, қайта ишланадиган ва янги яратилган дарслик, ўқув-методик қўлланмаларни экспертизадан ўтказиш ишларини ташкил қилиш;
б) илғор иш тажрибалар базасини ташкил этиш, умумий ўрта таълим мактабларида дарсларни кузатиш, таҳлил қилиш ва камчиликларни тузатиш бўйича амалий-методик ёрдам кўрсатиш;
в) ўз йўналишидаги фанлар бўйича методик кўрсатмалар, тавсиялар, ёзма назорат иш намуналарини тайёрлаш, бириктирилган фанлари юзасидан тажриба-тадқиқот ишларини ташкил этиш;
г) бириктирилган фанларини ўқитиш бўйича ўқитувчиларга методик ёрдам сифатида телекўрсатув, радиоэшиттириш, газета ва журналларга мақолалар тайёрлаш;
д) илмий методик кенгаш муҳокамасига ўз йўналиши бўйича қўлёзмаларни тайёрлаш;
е) ўқувчилар билим даражаси, оралиқ назорат ишлари, якуний аттестация ва босқичли назорат ишлар натижаларини ўрганиб таҳлил қилиш, мониторингини олиб бориб аниқланган камчиликларни бартараф этиш юзасидан тавсиялар тайёрлаш;
ж) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилиш.
150. Билиши лозим:
а) умумий ўрта таълим мактаблари учун дарсликлар ва ўқув қўлланмаларининг нашрга тайёрлашга оид ва болалар ҳуқуқларини тартибга солувчи норматив-ҳуқуқий ҳужжатларини;
б) мутахассислиги бўйича янгиликларни, психология-педагогика фани ютуқларини ва уни ҳаётга татбиқ этиш йўлларини;
в) методик ишларни ташкил этиш ва самарадорлигини ошириш усулларини;
г) давлат таълим стандартлари талабларини ўқувчилар томонидан ўзлаштириши мониторингини олиб бориш натижасида аниқланган камчиликларни бартараф этиш йўлларини;
д) давлат таълим стандартлари, ўқув режа, ўқув дастури ва бошқа ўқув-методик ҳужжатларнинг мазмуни ҳамда ўқув жараёнига татбиқ этиш йўлларини;
е) дарсларни таҳлил қилиш ва амалий ёрдам бериш шаклларини, таълимнинг метод ва воситаларини;
ж) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидаларини.
151. Малака талаблари:
а) олий педагогик маълумот;
б) хорижий тиллардан бирининг бошланғич босқичини ва ахборот-коммуникация технологияларидан фойдаланишни билиши;
в) уч йилдан кам бўлмаган педагогик иш стажи.