Хайдарова дилрабо рахимжоновна

Диссертация мавзусининг диссертация бажарилган олий таълим муассасанинг илмий тадқиқот ишлари билан боғлиқлиги. Диссертация тадқиқоти Наманган давлат университети илмий тадкикот ишлари режасининг “Фарғона водийси доривор ўсимликларидаги биологик фаол моддалар, макро ва микро элементлар микдорига экологик вазиятни таъсири.” йўналиши доирасида бажарилган.
Тадқиқотнинг мақсади. Lamiасeae оиласига кирувчи айрим Phlomoides туркуми ва Scutellaria comosa ўсимликларини таркибидаги биологик фаол моддалар, микро ва макроэлементлар миқдорини аниқлаш хамда улар асосида янги озиқ-овқат қўшилмаларини ишлаб чиқиш ва ТИФ ТН бўйича синфлашдан иборат.
Тадқиқотнинг объекти: сифатида Фарғона водийсида ўсувчи Lamiасeae оиласи кирувчи айрим Phlomiodes туркуми ва Scutellaria comosa ўсимликлари ҳамда улар таркибидаги биологик фаол моддалар олинган.
Тадқиқотнинг вазифалари:
Фарғона водийсида ўсувчи Lamiасeae оиласи айрим Phlomiodes туркуми ва Scutellaria comosa ўсимликлари таркибидаги биологик фаол моддалар, макро ва микроэлементлар миқдорини аниклаш;
Phlomoides nuda ўсимлигининг турли хил эритувчиларда экстрактларини тайёрлаш ва уларни in vitro тажрибаларда биологик фаоллигини аниқлаш;
Рhlomoides nuda ва Scutellaria comosa ўсимлигидан ажратиб олинган биологик фаол моддаларни таркиби ва тузилишини замонавий физик кимёвий усуллар ёрдамида аниқлаш;
Рhlomoides nuda ва Scutellaria comosa ўсимликлари асосида вирусли гепатит касалликларини даволаш ва олдини олиш хусусиятига эга бўлган, табиий биологик фаол озиқ-овқат қўшилмаларини ишлаб чиқиш;
“Кўкамарон” ва “Асихон” озиқ-овқат қўшилмаларини кимёвий таркиби асосида ТИФ ТН буйича янги товар кодларини ишлаб чиқиш;
“Кўкамарон” ва “Асихон” озиқ-овқат қўшилмаларини вирусли гепатит касаликларига қарши клиник синовлардан ўтказиш.
Taдқиқотнинг предмети Рhlomoides nuda ва Scutellaria comosa ўсимликлари асосида “Кўкамарон” ва “Асихон” озиқ-овқат қўшилмаларини ишлаб чиқиш, таркибидаги биологик фаол моддаларни ажратиб олиш, уларни тузилишини аниқлаш ва киёвий таркибига кўра синфлашдан иборат. Taдкикот усуллари. Диссертация ишини бажаришда кимёвий усуллар (экстракция, тозалаш), кимёвий тузилишини аниқлашда ЮҚХ ва ЮССХ методлари, УБ-, ва ИҚ-спектроскопия, ЯМР-спектроскопия, масс-спектрометрия ҳамда биологик ва фармако-токсикологик тадқиқот усуллари қўлланилган.