Х. И. Ирсалиев ортопедик стоматология

Электромиография
. 
Электромиографияда 
ҳаракат 
(чайнов) 
аппаратини, скелет (чайнаш) мушакларининг биопотенциалини рўйхатга олиш 
йўли билан текшириш тушунилади. Потенциалнинг тебраниши, ҳаракат 
таъсирининг ҳар қандай шаклида мушакларда аниқланадиган, мушаклар 
функционал ҳолати энг нозик кўрсаткичлардан бири ҳисобланади. Тебраниш 
махсус асбоб – электромиография орқали рўйхатга олинади. Ток таъсир 
этишнинг иккита усули мавжуд: катта майдон билан терига электродларни 
юбориш ва кичик майдон билан тери остига киритиладиган нинасимон 
электродлар юборилади. Бунда биополяр тери усти электродлари махсус паста 
суртиб ёпилади ва мушаклар қисқарадиган тери устига пластир 
ёпиштирилади. 
Чайнов мушакларининг функционал ҳолати уларнинг функционал фаол 
даврида текширувдан ўтказилади: яъни, тишларнинг олд, ён ва марказий 
окклюзияларда жипслашуви, ютиш ва чайнаш вақтида электромиограммадан 
олинган таҳлиллар биопотенциаллар амплитудаси, секунда тебраниш 
суръатини ўлчаш, қийшиқ шакллар, фаол ритмнинг тинч даврга муносабатини 
ўрганишдан иборатдир. Биопотенциаллар тебраниш амплитудасининг ҳажми 
мушаклар қисқариши кучи ҳақида мулоҳаза юритишга имкон беради. Нормал 
тиш қаторлари бўлган инсонларнинг чайнашида электромиограмма 
характерли шаклга эгадир (77-расм). Фаол ритм ва тинч ҳолатнинг аниқ 
алмашиши кузатилади, биопотенциал зарблар эса, турли айланма кўринишига 
эга. 
77-расм. Чайнов мушакларининг бир томонлама (ўнг томонлама) 
электромиограммаси 
Ишлов ва балансирловчи томон мушаклари орасида координация 
мавжуд, бу шунда ифодаланадики, ишловчи томонда биопотенциаллар 
амплитудаси юқори, балансирловчи томонда эса тахминан 2,5 марта кам 
(Соловьев М.М., Виноградов С.И.). 

---

84 
Электромиограмма таҳлилини енгиллаштириш учун турли қийшиқлар, 
уларни тузилма қисмларга ажратиб ёки уларни қўшиб, математик ишловдан 
ўтказиладиган 
асбоблар 
– 
анализаторлар 
ёки 
интеграторлардан 
фойдаланилади. 
Электромиография ортопедик стоматологияда тишларни қисман ёки 
тўлиқ йўқотишда чайнов мушаклари фаолияти, чакка-пастки жағ бўғимлари ва 
чайнов мушаклари касалликлари, тиш-жағ аномалияларини текширишда 
қўлланилади. Бу усул шунингдек, ортопедик даволашдан сўнг (протезлаш, 
аномалияларни бартараф қилиш ва бошқа) мушак фаолиятининг ўзгаришини 
рўйхатга олиш имконини беради.