Х. И. Ирсалиев ортопедик стоматология

ТИШ ПРОТЕЗЛАРИНИ ТАЙЕРЛАШ ЛАБОРАТОРИЯСИ. 
Ортопедик стоматология ёрдамига мухтож бўлган касалларнинг 
табиий тишларини чархлаш, қолип олиш, қопламаларни ўлчаб кўриш, 
жағлардаги тишлар қаторларини марказий жипслашишни аниқлаш, 
касалларнинг шахсан ўзлари билан бўладиган клиник ишларнинг ҳаммаси 

---

88 
клиникада, сунъий тишларни, турли хил керакли тиш аппаратларини тайёрлаш 
эса лабораторияда бажарилади. 
Тиш протезларни тайёрлаш лабораторияси хоналари қуйидагича номланади: 
1.Асосий хона - поливинил-хлоридли хом-ашёлардан ёпилган бўлиши керак. 
2.Махсус хоналар – поли керамик тош тахталардан бўлиши керак. 
Уларга:- гипслаш хонаси 
-полимерлаш иш хонаси 
-пардозлаш хонаси 
-кавшарлаш хонаси 
-куйиш хонаси киради.
Асосий ва махсус хоналарнинг баландлиги 3,5 м. бўлади. 
Асосий хона. Асосий хонада ҳар бир ишлаётган тиш техниги учун 
майдоннинг ҳажми 13 м
2
бўлиши керак. Тиш протезларини тайёрлаш 
жараёнида ишлатиладиган мумларни эритишда спиртли идиш алангасидан 
фойдаланилади. 
Металл қотишмаларидан ясалаётган тиш протези деталларини бир-
бирига улаш учун бензин билан ишлайдиган мослама қўлланилади. Иш 
жойини ёритиш қатор гигиеник нормаларга риоя қилинган ҳолда 
таъминланади. Деразаларнинг ойналашган сатҳи пол сатҳига 1/5 нисбатда, иш 
жойининг кўндаланг юзасига тушадиган бурчак 25-27
о
дан кам бўлмаслиги 
керак. Иш жойига ёруғлик тўғридан ёки чап томондан тушиши керак. 
Асосий хона тиш протезларни, ортодонтик мосламаларни тайерлашга 
мўлжалланган бўлади. Хонада тиш техниклари учун стол ва стуллар 
қўйилади. Хом ашёлар ва бошқа буюмлар учун токчали шкафлар билан 
жиҳозланади. Шу хонада металл гильзаларни чўзиш учун, Самсон аппарати 
ўрнатилади. 
Иш столининг тепаси ярим айлана ўйиқ юза кўринишида бўлиб, 
зангламайдиган пўлат ёки парчали латун билан чети хошияланади. Иш 
столининг баландлиги 75-80 см бўлиб, стол устида ёритгич анжоми, 
шлейфмотор электр иситгич асбоби ва газ горелкаси жойлаштирилади. Стол 
учта тортмали бўлиб, юқори тортмани ҳажми каттароқ, майда асбоблар 
сақланади, ўрта тортма жиякланган фанердан ясалган бўлиб, унда қириндилар, 
нодир металлар қотишмаларининг қийиклари йиғилади. Пастки тортмасига – 
ҳар хил чиқиндилар (гипс, пластмасса) тушади. Тиш техниги иш жараёнида 
қуйидаги асбоблардан фойдаланади: шакл берувчи шпателлар, гипсни кесиш 
учун пичоқ, қисқичлар ва металл қайчилар, ҳар хил катта-кичикликдаги 
болғачалар, сандон, ўрта ва майда тишли эговлар,