Bosh buxgalterlarning vazifalari
Bosh buxgalter buxgalteriya hisobining yuritilishi yuzasidan belgilangan qoidalar asosida uni tashkil etib, quyidagilarni ta’minlashi shart:
* buxgalteriya ishining to’g’ri tashkil etilishi, buxgalteriya hisobi hisobvaraqlarida bank operatsiyalarining o’z vaqtida va to’g’ri aks ettirilishi;
* bankka kelib tushgan hisob-kitob-pul hujjatlarini ularga ishlov beriladigan barcha uchastkalardan o’tishining aniq muddatlariga rioya etilib, bankning barcha tegishli hisobvaraqlarida aks ettirilib, hujjatlar aylanishini, kunlik balans tuzilishi va uni tegishli joyga topshirilishini tashkil etish;
* mijozlarning kelib tushadigan hisob-kitob-pul hujjatlari shakliga va mazmuniga ko’ra to’g’ri rasmiylashtirilishini, shuningdek, ularning qonuniy tarzda bajarilishini hamda mablag’ va boyliklar but saqlanishini ta’minlash;
* qat’iy hisobdagi blanklarning but saqlanishi va ularning hisobining to’g’ri yuritilishi;
* elektron to’lov hujjatlarining to’g’ri rasmiylashtirilishini hujjatlarning asl nusxasi bilan solishtirish orqali tekshirish, agar bu ish bosh buxgalter muovini yoki buxgalteriyaning boshqa xodimiga yuklatilmagan bo’lsa;
* ish kuni oxirigacha kunlik balans tuzilishini yakunlanishi;
* buxgalteriya (kirim-chiqim) hujjatlarini o’z vaqtida (ish kuni oxirigacha yoki keyingi kunning ertalab soat 10-00 dan kechikmay) juzlanishi hamda rasmiylashtirilishi, shuningdek ular o’rnatilgan tartibda arxivga topshirilishi;
* bank operatsiya kunining to’liq yakunlanligi,shuningdek vakillik hisobvarag’i orqali o’tkazilgan to’lov hujjatlari har kuni arxivlash tartibiga rioya etilishi;
* buxgalteriya hisobining ilg’or shakl va usullaridan keng foydalanish;
* kelib tushgan pul mablag’lari, tovar-moddiy boyliklar va asosiy vositalar hisobining to’liq yuritilishi, shuningdek ular harakati bilan bog’liq operatsiyalarning barchasi buxgalteriya hisobida o’z vaqtida aks ettirilishi;
* davlat byudjetiga to’lovlar, ijtimoiy sug’urta va pensiya fondiga badallar, boshqa fondlar hamda zahiralarga ajratmalarning to’g’ri yozilishi va o’z vaqtida o’tkazilishi;
* mijozlarning depozit va qarz hisobvaraqlari bo’yicha foizlarning to’g’ri va belgilangan muddatlarda hisoblanishi;
* kamomad hamda pul mablag’lari va tovar-moddiy boyliklarning talon-taroj qilinishi bo’yicha materiallarni rasmiylashtirish yuzasidan yuridik xizmat xodimlari tekshiruvlarida qatnashish, tegishli hollarda bu materiallar sud va tergov organlariga taqdim etilishini nazorat qilish, yuridik xizmat xodimlari ishtirok etmagan taqdirda, bu vazifalarni bevosita o’zi bajarish;
* buxgalteriya hisobi va hisobotining to’g’ri tashkil etilishini tekshirish, buxgalteriya hisobi, hisoboti, nazorat va iqtisodiy tahlil masalalari yuzasidan xodimlarga o’z vaqtida yo’l-yo’riqlar ko’rsatib borish;
* birlamchi hujjatlar hamda buxgalteriya yozuvlari asosida haqiqiy qolatni aks ettiruvchi buxgalteriya hisobotlarini tuzish, bu hisobotlarni belgilangan muddatlarda O’zbekiston Respublikasi Markaziy bankiga, shuningdek, tegishli organlarga taqdim etish;
* o’z tasarrufida bo’lgan banklar buxgalteriya ko’rsatkichlari bo’yicha belgilangan tartibda yillik hisobot tuzish va uni belgilangan muddatlarda tegishli joylarga topshirish;
* boshqa bo’linmalar bilan hamkorlikda buxgalteriya hisobi va hisoboti ma’lumotlari asosida bankning moliyaviy faoliyatini iqtisodiy tahlil qilish;
* buxgalteriya hujjatlarining but saqlanishi, ularning belgilangan tartibda rasmiylashtirilishi va arxivga topshirilishi.
Do'stlaringiz bilan baham: |