Gravimetrik analiz

Aniqlash tartibi. Kristall holdagi magniy sulfat — MgSO₄^7H₂O dan 0,7-0,9 g atrofida tarozida aniq tortib olinadi. Bu tortim sig‘imi 200-300 ml bo‘lgan stakanga solinadi va 50-60 ml suvda eritiladi. Eritmaga NCl ning 2 n eritmasidan 5 ml, Na₂HPO₄ ning, 7% li eritmasidan 15-20 ml va NH₄Cl ning 2 n eritmasidan 10 ml qo‘shiladi. Shundan keyin eritma 40-45°C gacha qizdiriladi, bunda suyuqlik shisha tayoqcha bilan doimo aralashtirib turiladi, so‘ngra ammiak hidi kelguncha ammoniy gidroksidning 2,5% li eritmasidan tomchilab qo‘shiladi. Bu vaqtda tayoqchani stakan tubiga va devorlariga tegizmaslikka harakat qilib (tayoqcha tekkan joylarda cho‘kma stakanga mahkam yopishib qoladi), stakan ichidagi suyuqlik tez-tez aralashtirib turiladi.

Eritma mutlaqo sovigach, gidrolizni yo‘qotish va MgNH₄PO₄ ning eruvchanligini kamaytirish uchun ammoniy gidroksidning

10% li eritmasidan yana 25—30 ml qo‘shiladi va 2—4 soatga qo‘yib qo‘yiladi.

Tushgan cho‘kma diametri 9 sm bo‘lgan o‘rtacha zichlikdagi (oq lenta) filtr bilan filtrlanadi. Filtrdagi cho‘kma uch marta yuviladi. Yuvish uchun ammoniy gidroksidning 2,5% li eritmasidan foydalaniladi.

Yuvish tamom bo‘lgandan so‘ng filtrni voronka bilan birgalikda quritish shkafiga qo‘yib, 100°C da quritiladi. So‘ngra cho‘kma yuqori haroratda tigedda kuydiriladi, bunda u Mg₂P₂O₇ ga aylanadi; cho‘kmani qizdirish og‘irligi o‘zgarmay qolguncha davom ettiriladi.

Hisoblash. Analiz natijalarini hisoblash uchun proporsiya tuzamiz:

^Mg2^P2^O7 ^2Mg

m — x

m — MgP₂O₇ cho‘kmaning gravimetrik (tortma) shakli.

x=m

^2MMg

M

Mg2P2O7

Hisoblab topilgan miqdor bo‘yicha analiz uchun tarozida tortib olingan moddadagi magniyning foiz miqdori topiladi.

6. 
   Gravimetriya usuli bilan BaCl₂ tuzini aniqlashda cho‘ktiriladigan shakl 0,5 g BaSO₄ bo‘lsa, namuna uchun olingan bariy xloridning og‘irligini hisoblang.