Gravimetrik analiz

Aniqlash tartibi. Analiz qilinayotgan (tarkibida temirning miqdori 0,1 g dan ortiq bo‘lmagan) eritmaga HNO₃ ning 2 n eritmasidan 3—5 ml qo‘shiladi va gorelka alangasida isitiladi, to hidi chiqquncha 10% li NH₄OH eritmasidan tomchilab qo‘shiladi, so‘ngra shisha tayoqcha bilan stakandagi eritma yaxshilab aralashtiriladi va adsorblanishini kamaytirish uchun 100 ml distillangan issiq suv qo‘shiladi. Yana bir marta yaxshilab aralashtiriladi, tindirish uchun 5 daqiqaga qo‘yib qo‘yiladi, keyin sekin-asta 1—2 tomchi NH₄OH qo‘shib, cho‘kish to‘la bo‘lganligini tekshiriladi va o‘sha zahoti cho‘kmani filtrlashga kirishiladi.

Cho‘kma zichligi o‘rtacha (oq lenta) va diametri 9 sm bo‘lgan filtrda filtrlanadi. Cho‘kma ustidagi tiniq suyuqlikni filtrga quyib, so‘ngra cho‘kma NH₄NO₃ ning 2% li eritmasi bilan yuviladi.

Yuvilgan cho‘kma quritiladi va biroz nam holda filtr bilan birga qizdirilgan va og‘irligi o‘lchangan tigelga solinadi. Tigel cho‘kma bilan birga og‘irligi o‘zgarmay qolguncha qizdiriladi.

Hisoblash. Cho‘kmaning og‘irligini topib, uning tarkibida qancha temir borligi proporsiya orqali hisoblanadi:

m — x

Bu yerda m — olingan cho‘kmaning og‘irligi (tortiladigan shakl). Bundan:

^2^AFe x = m ■ ^F = m ■ F MFe2O3