Глоссарий жисмоний маданият

Интервал метод – бу метод орқали, машқлар кўп маротаба бажарилади, иш ўртасидаги дам олиш интерваллари аниқ (турли) бўлади. Қўлланилаётган машқлар турига қараб, интервал машғулотлар турли хил спорт турлари учун зарур бўлган аэроб, анаэроб-алактат ишлаб чиқаришни ривожлантиришга йўналтирилган бўлиши мумкин.

	Айлана методи – бу ишнинг ташкилийметодик шакли ҳисобланиб, куч, тезкорлик, чидамлилик ва айниқса, уларнинг мажмуавий шакллари – куч чидамлилиги, тезкор чидамлилик, тезкор кучларни ривожлантириш учун ишлаб чиқилган жисмоний машқлар мажмуасининг оқимли ва кетма-кет бажарилишини кўзда тутади. Ушбу метод турли мушак гуруҳларига узлуксиз ва интервал машғулотлар типида таъсир қиладиган машқларни изчил бажаришни кўзда тутади.
	Ўйин усули – Ушбу метод асосини образли ёки шартли сюжетга мувофиқ аниқ бир шаклда тартибланган ҳаракат фаолияти ташкил этади.
	Мусобақа методи – бу методда, машқлар мусобақа шаклида бажарилади. Ушбу методдан, жисмоний, руҳий-иродавий ва аҳлоқий қобилиятларни ривожлантириш, техник-тактик малака-ва кўникмаларни такомиллаштириш учун фойдаланилади.
	Тамойил – бу, қўйилган мақсадга энг қулай тарзда эришишга кўмаклашадиган асосий ғоядир (В.С. Безрукова, 1992).
	Тамойил – деб, тарбия қонуниятларини акс эттирувчи энг муҳим қоидаларга айтилади.