Глоссарий жисмоний маданият

Дидактик ҳикоя - воқеа ёки ҳодисани ҳиқоя қилиш шаклида баён қилиш. Ҳикояда спорт турларининг ривожланиш тарихи, машшғулотлар услубияти (ўйиннинг ташкиллаштирилиши) ҳақидаги маълумотлар берилади.

Тасвирлаш - шогирдда ҳаракат ҳақида тасаввур ҳосил қилиш усули. Ушбу методни қўллаганда нима қилиш кераклиги ҳақида гапирилади, бироқ нима учун айни шундай қилиш лозимлиги ҳақида гапирилмайди.

Тушунтириш - тушунтириш методи орқали бажарилаётган ҳаракатлар асосида ётган муҳим қонуниятлар моҳияти очиб берилади, ўрганилаётган ўқув материалининг чуқур тушунилиши таъминланади, ўқувчиларни фаол фикрлаш фаолиятига ундайди.

Суҳбат - ўқув материалини савол-жавоб шаклида ўзлаштиришни ифодалайди. Суҳбат ўқитувчи саволи ва ўқувчи жавоби кўринишида ёки фикрларни эркин аниқлаш кўринишида ўтиши мумкин. Ушбу методнинг асосий талаби – ўйлаб тўзилган саволлар ва тахминий жавобларнинг қатъий тизимидир.

Муҳокама қилиш - ушбу метод суҳбатдан шуниси билан фарқ қиладики, бирон-бир топшириқ бажарилганидан сўнг муҳокама қилинади.

Кўрсатма бериш - ҳаракат амали нотўғри бажарилганда мувофиқ тузатишлар киритиш мақсадида сўз орқали таъсир ўтказиш (масалан, “тезроқ”, баландроқ» ва ҳ.к.).

Баҳолаш - бажарилган амалнинг таҳлилий натижаси (масалан, “яхши”, “тўғри”, “ёмон» ва ҳ.к.).

Буйруқ - ҳаракат амалини дарҳол бажариш, тўхтатиш ёки ўзгартириш бўйича буйруқ шакли (старт буйруқлари, саф буйруқлари, ҳакамлик буруқлари).

Саноқ - ўқувчиларга ҳаракат амалини бажариш вақтида керакли суръатни беришга имкон беради (эшкак эшиш, суръат ҳиси учун).