Глоссарий жисмоний маданият

Техника детали – деб, ҳаракат вазифасини ҳал этиш жараёнида индивидуал имкониятларни тўлиқ амалга ошириш имконини берадиган ва техника асосини бузмайдиган иккиламчи ўзига хос ҳаракатларга айтилади.

Юклама – бу шуғулланувчи организмига таъсир кўрсатувчи жисмоний машқларнинг маълум ўлчами ҳисобланиб, организмнинг тинч ҳолатга нисбатан юқори даражада ишлаши билан кузатилади.

Чарчаш – бу шиддатли ва узоқ муддатли ишлаш натижасида вужудга келадиган организмнинг физиологик ҳолати бўлиб, организм функцияларининг дискоординацияси ва ишчанлик қобилиятининг вақтинчалик пасайишида намоён бўлади.

Метод – деб, инсон жисмоний камолотини шакллантириш жараёнида жисмоний маданият воситаларидан фойдаланишнинг тартибли жамланмасига айтилади.

Методик усул – бу ўргатишнинг аниқ вазифаларига мувофиқ, методни амалга ошириш тадбирига айтилади.

Методика – деб, педагогик вазифаларни ҳал этишга йўналтирилган махсус методлар тизими, ўргатишнинг методик усуллари ва машғулотларнинг ташкилий шаклларига айтилади.

Методик ёндашув – бу педагогнинг жисмоний машқлар билан шуғулланувчиларга таъсир кўрсатиш усуллари жамланмасидир.

Таълим – деб, инсоннинг билиш фаолияти натижаларининг шакллари ва тизимлилигига айтилади (Большой энциклопедический словарь, 1997).