Глоссарий жисмоний маданият

ГЛОССАРИЙ

Жисмоний маданият - шахс ва жамият маданиятининг бир қисми бўлиб, жамият аъзоларининг жисмоний камолотга эришишлари учун яратилган ва фойдаланиладиган моддий ва маънавий бойликлар мажмуидир (Б.А. Ашмарин, 1999).

Жисмоний маданият – жамият аъзолари жисмоний камолотга эришишини мақсадга мувофиқ равишда амалга ошириш учун махсус воситалар, методлар ва шароитларни яратиш ва улардан рационал фойдаланиш бўйича эришилган ютуқларнинг мажмуасидир (В.М.Выдрин, 1999).

Жисмоний тарбия – бу ҳар томонлама гармоник ривожланган, жисмонан соғлом, жисмоний камолотга эришган, ижтимоий фаол шахсни тарбиялашга қаратилган педагогик жараён бўлиб, ўзида ҳаракатларни (ҳаракат амалларини) ўргатиш ва жисмоний қобилиятларни (ривожланишини бошқариш) тарбиялашни мужассамлаштирган.

Жисмоний тарбия – бу тарбия фаолияти тури ҳисобланиб, специфик хусусияти бўлиб, инсоннинг ҳар томонлама гармоник ривожлантириш мақсадида жисмоний маданият воситаларидан фойдаланишни бошқариш жараёнидир.

Жисмоний тайёргарлик - аниқ бир касбий ёки спорт фаолияти учун зарур бўлган ҳаракат кўникмаларини шакллантириш ва жисмоний қобилиятларини (сифатларини) ривожлантириш жараёнидир (Ю.Ф. Курамшин).

Жисмоний тайёрланганлик - жисмоний тайёргарлик натижаси бўлиб, эришилган ишчанлик қобилияти, жисмоний сифатларнинг ривожланганлик даражаси ва ҳаётий зарур, амалий малака ва кўникмаларнинг шаклланганлик даражасида намоён бўлади.