Глоссарий жисмоний маданият

Жисмоний машқлар мазмуни – деб,ҳаракат бажарилишида кузатиладиган ва шуғулланувчи организмида ўзгартиришларни келтириб чиқарадиган жараёнлар (псиҳологик, биологик, биохимик ва ҳ.к) жамланмасига айтилади.

Жисмоний машқлар шакли – бу машқнинг ташқи ва ички тўзилмаси, мувофиқлиги, тартибидир.

Жисмоний машқлар классификацияси – бу машқларни аниқ бир таснифий аломатларга мувофиқ гуруҳларга туркумлаштирдир.

Мусобақа машқлари – бу, бирон-бир спорт тури мутахассислиги предмети ҳисобланиб, ушбу спорт тури мусобақа қоидаларига мувофиқ бажариладиган ҳаракат амалларидир.

Махсус-тайёрловчи машқлар – бундай машқлар мусобақа машқининг у ёки бу вариантини ифодалайдиган машқлардир. Бундай машқларнинг зарурий аломати бўлиб, уларнинг мусобақа машқига ҳам шаклан ва ҳам мазмунан ўхшашлигидир.

Умумтайёрловчи машқлар – бундай машқлар, спортчининг умумий тайёргарлиги асосий амалий воситаларини ифодалайдиган машқлардир.

Техника - ҳаракат амалларини бажариш усули ҳисобланиб, улар ёрдамида ҳаракат вазифалари мақсадга мувофиқ ва нисбатан юқори самарада ҳал этилади.

Техника асоси – бу, ҳаракат вазифасини ҳал этиш учун зарурий ҳаракатлар мажмуасидир.

Техниканинг асосий (етакчи) бўғини – бу, берилган ҳаракат вазифасини ҳал этишнинг энг муҳим қисмидир.