Глоссарий жисмоний маданият

Таълимга мойиллик – деб, инсоннинг билимларни эгаллаш ва малака, кўникмаларни ўзлаштириш қобилиятига айтилади.

	Ҳаракат малакаси – бу, ҳаракатни шундай ўзлаштирилганлик даражасики, ҳаракатни бошқариш тафаккурнинг фаол иштироки асосида амалга оширилади.
	Экстраполяция – бу, янги ҳаракатларни олдин ўзлаштирилган тажриба асосида ўрганишнинг психофизиологик механизмидир.
	Ҳаракат кўникмаси – бу, ҳаракатни шундай ўзлаштирилганлик даражасики, ҳаракатни бошқариш автоматлашган тарзда амалга оширилади.
	Хато – бу, ҳаракат натижасига сезиларли таъсир кўрсатадиган тарзда машқларни техника моделидан оғган ҳолда бажаришга айтилади.
	Жисмоний қобилиятлар – бу бирон-бир мушак фаолияти тури талабларига жавоб берадиган ва унинг бажарилиши самарадорлигини таъминлайдиган, инсоннинг морфологик ва руҳийфизиологик хусусиятлари мажмуасидир.
	Мушак кучи – бу, инсон мушакларининг зўриқиши хисобидан ташқи қаршиликни енга олиш ёки унга қарши ҳаракат қила олиш қобилиятидир.
	Асли куч қобилиятлари – статик режим ва секин ҳаракатлар шароитида намоён бўлади (масалан, ўта оғир оғирликларни мушакларнинг максимал зўриқиши орқали ушлаб туриш ёки катта вазндаги жисмларни кўчириш).