Глоссарий жисмоний маданият

Тезкор-куч қобилиятлари – сезиларли мушаклар кучи билан биргаликда катта ҳаракат тезкорлиги талаб этиладиган ҳаракат амалларида намоён бўлади (узунликка ва баландликка югуриб келиб ёки жойидан сакраш, снарядларни улоқтириш ва ҳ.к.).

	Мутлақ куч – бу, инсон тана вазни ҳисобга олинмаган ҳолатдаги, мушаклар максимал зўриқишининг намоён бўлишидир.
	Нисбий куч – бу, мутлақ куч катталигининг ўз тана вазнига нисбатидир.
	Портловчи куч – бу, қисқа вақт ичида катта миқдордаги кучни намоён қила олиш қобилиятидир.
	Куч чидамлилиги – бу, нисбатан узоқ муддат давом этадиган, сезиларли катталикдаги мушаклар зўриқиши натижасида вужудга келадиган чарчашга қарши тура олиш қобилиятидир.
	Куч чаққонлиги – бу, кутилмаган вазиятлар ва мушакларнинг турли режимида ишлаш шароитида мушакларнинг турли катталикдаги зўриқишларини аниқ дифференциациялай олиш қобилиятидир.
	Тезкорлик қобилиятлари – бу, инсоннинг ҳаракат амалларини берилган шароитларда минимал вақт оралиғида бажарилишини таъминлайдиган функционал хусусиятлар мажмуидир.
	Оддий реакция – бу, олдиндан маълум бўлган бироқ тўсатдан пайдо бўладиган сигналга (кўриш, эшитиш, тактил), маълум ҳаракат орқали жавоб қайтаришдир.