«G‘isht teruvchi» kasbi bo‘yicha o‘quv-uslubiy qo‘llanma toshkent-2021 kirish

Issiq izolyatsiya plitalar qoplangan g‘ishtin terimning qalinligi 1 g‘isht,
1 _1/2 g‘isht va 2,0 g‘isht bo‘lishi mumkin. Devorning ichki tomoniga penosilikat, gips-qipiq va boshqa plita ko‘rinishidagi issiqlikni muhofazalovchi materiallar bilan qoplanadi. Ular devorga taqab yopishtirilishi yoki undan 30 mm qochirib, orada havo qatlami qoldirilishi mumkin. Issiqlik o‘tkazmaydigan plitani devorga mahkamlash, uning materiali va o‘lchamiga bog‘liq bo‘lib mahkamlash usuli loyihada ko‘rsatiladi.

4.Peremichka (Sarbasta) , arka va gumbazlarni terish

Devorlarning deraza yoki eshik o‘rni ustiga qo‘yiladigan qismi peremichka (sarbasta) deyiladi. Oddiy peremichkalarni terish bir qatorli chok bostirish usuli bilan amalga oshiriladi. Oddiy peremichkadagi eng pastki g‘isht qatori ostiga qalinligi 2-3 sm li bo‘lgan qorishma qatlamiga diametri 4-6 mm li dumaloq po‘lat yoki bog‘lam armatura qo‘yiladi. Agar loyihada mustahkamroq armatura ko‘zda tutilmagan bo‘lsa devorning bir yarim g‘isht qalinligiga kesimi 0,2 sm² li bitta sterjen to‘g‘ri kelishi zarur, u terimda hosil bo‘ladigan cho‘zuvchi kuchni qabul qiladi. U armatura deraza yoki eshik o‘yig‘idan devor ichiga kamida

250 mm kirib turishi kerak. Oddiy perimichkani terish uchun qalinligi 40-50 mm li taxtadan qolip qilinadi. Qolipni pastdan ustun ushlab turadi. Qolip ustiga
2-3 sm qorishma yozib, armatura unga botiriladi va g‘isht terishni boshlash mumkin bo‘ladi.Qolip qorishma qotguncha olinmaydi (10-rasm).