«G‘isht teruvchi» kasbi bo‘yicha o‘quv-uslubiy qo‘llanma toshkent-2021 kirish

G‘ishtlarni surib terish usuli– devor sirtqi qatorlaridagi choklarni chala to‘ldirishga yo‘l qo‘yilgan hollarda (plastik qorishmada) qo‘llaniladi (4-rasm).

G‘isht terish jarayoni quyidagi operatsiyalarni o‘z ichiga oladi:

• 
  qorishma qatlami devor chetiga 2–3 sm qochirib yotqiziladi;
  
• 
  g‘isht qiya ushlanadi, qorishma qatlami g‘ishtning qirrasi bilan ilgari yotqizilgan g‘isht tomonga suriladi;
  
• 
  g‘isht siljitiladi, so‘ngra to‘g‘rilanib, ilgari o‘rnatilgan g‘ishtga taqab yotqiziladi;
  
• 
  g‘ishtni qo‘l bilan bosib, zarur qalinlikda chok hosil bo‘ladigan darajada qorishmaga botiriladi.
  

Devor g‘ishtlari shu usulda terilganda usta kurakchadan foydalanmaydi, biroq bunday devorning sirtini suvab pardozlash talab qilinadi.

G
‘ishtlarni surib terib, ortiqcha qorishmani sidirib olish usuli bunda devor sirtidagi choklar to‘liq bo‘lishi talab qilinganligidan plastik qorishma ishlatiladi (5-rasm).

G‘ishtlarni bu usulda terish jarayoni quyidagi operatsiyalarni o‘z ichiga oladi:

• 
  qorishma qatlami devor chetiga 1 sm yetkazilmaydi;
  
• 
  g‘ishtni qiyalatib ushlab, uning qirrasi bilan qorishma qatlami ilgari yotqizilgan g‘isht tomon suriladi;
  
• 
  g‘isht siljitilib va to‘g‘rilanib, ilgari o‘rnatilgan g‘ishtga taqab yotqiziladi;
  
• 
  g‘ishtni qo‘l bilan bosib yoki unga kurakchaning dastasi bilan yengilgina urib, zarur qalinlikda chok hosil bo‘ladigan qilib qorishmaga cho‘ktiriladi;
  
• 
  choklardan sitilib chiqqan ortiqcha qorishma kurakcha bilan sidirib olinadi.
  

G‘ishtlarni surib terib, qisman ochiq choklar hosil qilshi usuli. Bu usul to‘ldirma qatorlar hosil qilinadigan hollarda qo‘llaniladi. Avval qorishma tekis qatlam qilib yotqiziladi, so‘ngra g‘ishtlar ikki qo‘llab teriladi, vertikal choklar to‘lishi uchun qorishma g‘ishtning qirrasi bilan suriladi va g‘isht devor yuziga qaragan sirtqi qator bilan bab-baravar qilib, qorishmaga bosib cho‘ktiriladi.