«G‘isht teruvchi» kasbi bo‘yicha o‘quv-uslubiy qo‘llanma toshkent-2021 kirish

2.Devorlarning bir-biriga tutashadigan va bir-birini kesib o‘tadigan g‘ishtlarni terish


Devorlarning bir-biriga tutashadigan joyidagi g‘ishtlarini terish. Devorlarning bir-biriga tutashadigan joyidagi qatorlarda g‘ishtlar ko‘ndalang yotqiziladi. Devorlarning tutashadigan joylarida qatorlar choraktalik g‘ishtlar bilan bir-biridan ajratiladi, keyingi qatorlarda g‘ishtlar uzunasiga yotqizilib,
c
hoklar yarim g‘isht surib bog‘lanadi.

Dudburon va ventilatsiya kanallarini qurish ishlari ularning o‘rnini andoza bo‘yicha belgilab chiqishdan boshlanadi. So‘ngra ikki-uch qator g‘isht teriladi va kanallarga cho‘p-xas o‘tishiga yo‘l qo‘ymaydigan boykalar o‘rnatiladi. Dudburoni va havo yo‘llari bo‘lgan devor g‘ishtlarini terish tartibi rasmda ko‘rsatilgan.
Devorlar bir-birini kesib o‘tadigan devor g‘ishtini terish. Devorlar bir-biri bilan kesishadigan joylarda g‘ishtlar ko‘ndalang yotqizib terilgan qatorlar ko‘ndalang g‘ishtlar bilan bir-biridan ajratiladi, g‘ishtlari uzunasiga yotqizilgandan keyingi qatorlarning choklari yarim g‘isht surib bog‘lanadi.



C
hetki qatorlar g‘ishtini terishda choklarni bog‘lash uchun uch choraklik g‘ishtlar ishlatiladi. Ularning sindirilgan tomoni devorning ichki tomoniga qaratiladi.

Derazalar oralig‘idagi devor g‘ishtlarini terish.
Ustunlar va devorlarning derazalar orasidagi qismi binolarning og‘irlik ko‘p tushadigan elementlari hisoblanadi. Ularni qurayotganda g‘isht qatorlarining vertikalligiga va gorizontalligiga, choklarga qorishma yetarlicha to‘ldirilganligiga alohida ahamiyat beriladi. Ustunlar va derazalar orasidagi tor (eni to‘rt g‘ishtdan ham kamroq) devorlarni qurishda birinchi qator g‘ishtlarini ko‘ndalang yotqizib, keyingi uch qator g‘ishtlari uzunasiga yotqizib teriladi. Faqat qo‘shni uch qatordagi vertikal choklarning bir-biri to‘g‘risida joylashuviga yo‘l qo‘yilmaydi.